Համեղ ճաշ կարտոֆիլով, որը հյութեղ ու յուրատեսակ հյուրասիրություն կլինի ընթրիքի համար:
Եթե նախկինում կերպ կարտոֆիլ չեք պատրաստել, ապա վստահ եղեք, որ այս ուտեստը պատրաստելուց հետո դուք կարող եք սկսել մտածել, որ մինչև այժմ կարտոֆիլի ոչ բոլոր համերն եք ճանաչել:
Այնպես որ եկեք պատրաստենք այս համեղ և ամենակարևորը` ախորժելի անսովոր ընթրիքը: Անպայման փորձեք, և դուք չեք հիասթափվի:
Համեղ ճաշ կարտոֆիլով. Բաղադրությունը
_400 գր աղացած միս
_2 պճեղ սխտոր
_1 սոխ
_Կարտոֆիլ 10 հատ
_Չաման
_Համեմ
_Աղ
_1-2 գազար ըստ ցանկության
_100 մլ բուսական յուղ
_1 ճաշի գդալ տոմատի մածուկ + 2 սխտորի պճեղ (սոուս)
_250 մլ ջուր
Համեղ ճաշ կարտոֆիլով. Քայլ առ քայլ բաղադրատոմս
_Կարտոֆիլը մաքրել, կտրել մեջտեղից և դանակի օգնությամբ դրա մեջ փոսիկ փորել:
Աղ անել կարտոֆիլին:
_Բուսական յուղը տաքացնել բարձր կողերով թավայի մեջ և տապակել կարտոֆիլը դրա մեջ շատ բարձր կրակի վրա: Պետք է ստացվի մոտավորապես ֆրիտյուրի պես մի բան:
_Կարտոֆիլի այն մասը (որը փորվել է) քերել քերիչով, քամել՝ ավելորդ հյութը հանելու համար:
_Խառնել կարտոֆիլը աղացած մսի և մանր կտրատած սոխի հետ:
_Ավելացնել աղ, պղպեղ և սխտոր: Նաև ավելացնել ձուն և խառնել ամեն ինչ:
_Ստացված լցոնմամբ լցնել կարտոֆիլը: Կարտոֆիլը դնել բարձր կողերով թավայի կամ կաթսայի մեջ, որի ներքևի մասում պետք է լցնել մի քիչ բուսական յուղ:
_Ըստ ցանկության, կարտոֆիլի կտորների միջև ընկած տարածքում կարող եք դնել շրջանակներով կտրատված գազարի շերտեր:
_Ավելացնել աղ ըստ ճաշակի, 2 պճեղ սխտոր, տոմատի մածուկ և 250 մլ ջուր:
_Արդյունքում ստացված խառնուրդը լցնել կարտոֆիլի վրա:
_40 րոպե կրակի վրա դնել և եփել մարմանդ կրակի՝ կափարիչով ծածկած:
_Մատուցել կարտոֆիլը վրան լցնելով սոուսը, որի մեջ շոգեխաշվել է:
Համեղ ճաշը կարտոֆիլով պատրաստ է:
Բարի ախորժակ և լավ տրամադրություն բոլորին:
Տեսանյութ
Կարտոֆիլով այլ համեղ ուտեստ պատրաստելու տարբերակի հետ ծանոթացեք տեսանյութում.