Համեղ ռուլետ. Այս խնձորով ռուլետը կարելի է հաճախ թխել, քանի որ այն շատ համեղ է և հեշտ պատրաստվող

Թեյի համար Համեղ ռուլետ թխեք 20 րոպեում. Խնձորները քերել քերիչով ու վրան լցնել խմորը:

Օգտվեք մեր բաղադրատոմսից, պահպանեք ձեզ դուր եկած բոլոր տարբերակները և օգտագործեք:

Սա խնձորով թխվածք պատրաստելու ամենահեշտ ձևն է։ Ձեզ անհրաժեշտ է շատ կարճ ժամանակ, իսկ արդյունքը կլինի զարմանալի։

Համեղ ռուլետ. Բաղադրիչները

_ 5-6 խոշոր խնձոր

_ 150 գր ալյուր

_ 380 գր խտացրած կաթ

_ 2 հավի ձու

_ 1/3 թեյի գդալ աղ

_ 1/2 թեյի գդալ սոդա

Համեղ ռուլետ. Պատրաստման եղանակը

_Թարմ խնձորները մաքրել կեղևից և քերել խոշոր քերիչով։

_ Ջեռոցի տապակը ծածկել յուղաթղթով և պատրաստված խնձորները բահիկի օգնությամբ հավասարաչափ տարածել ամբողջ մակերեսին։

_ Մոտ 5-7 րոպեով դնել ջեռոցում։ Ջերմաստիճանը դրեք 180 աստիճանի:

_ Խմորը պատրաստելու համար վերցնել խորը աման և դրա մեջ լցնել մեկ բանկա խտացրած կաթ։ Կոտրել հավի երկու ձու, աղ անել ու հարիչով խառնել բաղադրիչները։

_ Ամանի մեջ լցնել փոքր քանակությամբ մաղած ալյուր։ Խմորը հարել հարիչով։ Ավելացնել կես թեյի գդալ սոդա, ինչպես նաև կիտրոնի հյութ, որպեսզի անմիջապես մարվի:

_ Լավ խառնել և խմորը պատրաստ է։

_ Այդ ընթացքում ջեռոցում խնձորներն արդեն եփվել են: Խմորը լցնել վրան և հարթեցնել:

_ 10-15 րոպեով դնել 180 աստիճան տաքացրած ջեռոց։

_ Պատրաստ լինելուց հետո հեռացնել յուղաթուղթը և սրբիչի օգնությամբ փաթաթել ռուլետը։

_ Սպասել, որ սառչի և գեղեցկության համար կտրել եզրերը։

_ Ռուլետի վրա լցնել հալած շոկոլադ:

 

Բոլորիդ մաղթում ենք բարի ախորժակ։

Տեսանյութ

3 բաղադրիչներով համեղ ռուլետ