Համեղ տորթ Միկադո. Դժվար է գտնել այնպիսի մեկին որ չի սիրում այսպիսի ցնցող ու անչափ համեղ թխվածք 

Համեղ տորթ Միկադո թխելու շատ տարբերակներ կան, որոնք չնչին փոփոխություններով նախընտրում են տնային տնտեսուհիները: Սա իրականում շատ համեղ տորթ է, որը հեշտ է պատրաստվում։ Ամեն մեկի թխածն իր յուրահատուկ համն ունի, բայց ցանկալի է շատ չհեռանալ դասական բաղադրատոմսից:

Համեղ տորթ Միկադո. Հարկավոր են հետևյալ բաղադրիչները

— ալյուր 3,5 բաժակ

— շաքարավազ 300 — 350 գ

— դեղնուց 4 հատ

— կարագ 350 գ

— թթվասեր 350 գ

— կակաո 1 ճաշի գդալ

— սոդա 1 թեյի գդալ

— մի պտղունց աղ

Կրեմը պատրաստելու համար վերցրեք.

— կարագ 200 գ

— եփած խտացրած կաթ 2 բանկա

Համեղ տորթ Միկադո. Պատրաստման եղանակը

_ Ալյուրը մաղել, ավելացնել աղը, սոդան, կակաոն, շաքարավազը և զանգվածը խառնում ենք։

_ Սառը կարագը քերել վրան և տրորելով զանգվածը փշրանքների վերածել։

_ Լցնել դեղնուցներն ու թթվասերը, զանգվածը շաղախել և ստանալ փափուկ խմոր։

_ Խմորը ծածկել թաղանթով և մի երկու ժամով դնել սառնարանը։

_ Միացնել կարագն ու եփած խտացրած կաթը, զանգվածը հարել հարիչով մինչև հարթ ու փարթամ դառնալը։

_ Աշխատանքային մակերեսին ալյուր ցանել, խմորը հունցել և բաժանել 8 մասի։

_ Յուրաքանչյուր մասը գրտնակել բարակ շերտով։

_ Ջեռոցի տապակը չյուղել, վրան դնել խմորի շերտը։

_ Ջեռոցը տաքացնել 180 աստիճանով և շերտը թխել 4-5 րոպե։

_ Այսպես թխել բոլոր շերտերը և թողնել սառչեն:

_ Տորթը կազմել՝ շերտերին կրեմ քսելով։ Վերևն ու կողքերը նույնպես կրեմով պատել և զարդարել քերած շոկոլադով։

Բարի ախորժակ:

Տեսանյութ

Տորթ Միկադո