Հապալասով կեքս. Կեֆիրով ու հատապտուղներով քնքուշ թխվածք
Բոլոր երիտասարդ մայրերին մի բան է միավորում. Նրանք ցանկանում են իրենց երեխաներին կերակրել առողջ և արագ բարիքներով: Այս կեքսները նման մի բան են:
Թվում է, թե նույնիսկ ամեն ծույլ տնային տնտեսուհի կարողանում է պատրաստել տնական կեքս: Բայց ինչպես ընտրել բաղադրատոմսը: Դրանք այնքան շատ են …
Անձամբ ես նախընտրում եմ հետևյալ բաղադրատոմսը: Տարիներ շարունակ ես պատրաստում եմ հապալասով կեքս: Խմորը պատրաստելու բաղադրիչների չափը հիշելը շատ հեշտ է:
Հապալասով կեքս. Անհրաժեշտ բաղադրիչները
- Շաքարավազ 200 գ
- Սպիտակաձավար 200 գ
- Կեֆիր 200 մլ
- Ցորենի ալյուր 200 գ
- Հատապտուղներ 200 գ
- Ձու 2 հատ
- Աղ 1 պտղունց
- Եգիպտացորենի օսլա 1-2 ճաշի գդալ
- Ձիթապտղի յուղ 100 մլ
- Փխրեցուցիչ 10 գ
Հապալասով կեքս. Պատրաստման եղանակը
- Ձվերը հարել խորը ամանի մեջ: Դրանց ավելացնել մի պտղունց աղ ու շաքար, խառնել, հարել:
- Այժմ կեֆիրը լցնել ամանի մեջ, ավելացնել ալյուր, աղ, փխրեցուցիչ:
- Խառնել ամեն ինչ մինչև հարթ զանգված ստացվի: Ձիթապտղի յուղը լցնել խառնուրդի մեջ: Կրկին խառնել:
- Հանել հատապտուղները սառցարանից: Առանց հալեցնելու, դրանք լցնել խմորի մեջ, խառնել:
- Տեղադրել թղթե բաժակները կեքսերի կաղապարի մեջ: Եթե ունեք սիլիկոնային ձևաման, ապա պետք չէ դրանց մեջ թղթերը դնել: Կաղապարների մեջ համարյա մինչև վերջ խմոր լցնել:
- Կեքսերը թխել 30-40 րոպե տաքացրած 170-180 աստիճան տաքացրած ջեռոցում:
Պատրաստի թխվածքի վրա ցանել շաքարի փոշի, զարդարել անանուխի տերևներով: Բայց սա ըստ ցանկության:
Անձամբ ես հապալասով կեքսը վառարան դնելուց առաջ վրան շաղ եմ տալիս շտրեյզել կամ նուշի թերթիկներ: Այդպես կեղևն ավելի փխրուն է ստացվում: Ի դեպ, խմորին կարող եք ավելացնել մի քիչ վանիլ կամ նույնիսկ չոր կոճապղպեղ: Համոզված եմ՝ հիանալի կստացվի:
Բարի ախորժակ
Տեսանյութ
Շոկոլադով կեքս