Այսօր պատրաստում ենք հավի կրծքամիսը ջեռոցում: Այն կգնահատեն կծու եփած հավի թևիկների սիրահարները, և նրանք, ովքեր ցանկանում են փորձեր կատարել խոհանոցում: Բաֆալո սոուսով անուշաբույր և հյութալի հավի կրծքամիսը հարմար կլինի ցանկացած սեղանին:
Այս ուտեստի օրիգինալ տարբերակում այն պատրաստվում է ոչ թե հավի կրծքամսով, այլ թևիկերից: Այս տարբերակում փոխվել է նաև խոհարարության տեխնոլոգիան. ֆրիտյուրի փոխարեն ընտրվել է ջեռոցը: Արժե փորձել այս եղանակով եփված կրծքամիսը հայտնի սոուսով և մեկըդմիշտ կսիրահարվեք այս ուտեստին: Պահպանեք բաղադրատոմսը, հաստատ պետք կգա:
Հավի կրծքամիսը ջեռոցում. Բաղադրությունը
_Հավի կրծքամիս 2 հատ
_Ցորենի ալյուր 50 գ
_Չորահացի փշուրներ 50 գ
_Կարագ 110 գ
_Դարչնագույն շաքար 2 ճաշի գդալ
_Տոմատի մածուկ 3 ճաշի գդալ
_Չիլի սոուս 1 ճաշի գդալ
_Սխտոր 1 պճեղ
_Աղ 0.5 թեյի գդալ
_Սև պղպեղ (աղացած) ըստ ճաշակի
Հավի կրծքամիսը ջեռոցում.Պատրաստման եղանակը
_Բաֆալո սոուսը պատրաստելու համար խառնել տոմատի սոուսը, 60 գ հալված կարագը, շաքարավազը, չիլի սոուսը, մանրացված սխտորը, աղը և պղպեղը:
_Յուրաքանչյուր հավի կրծքամիսը կտրատել երկարությամբ և այնուհետև մեջտեղից կիսել: Յուրաքանչյուր բաժինը թաթախել նախ ալյուրի մեջ, ապա բաֆալո սոուսում, այնուհետև չորահացի մեջ:
_Մնացած կարագը ջեռոցում 2 րոպե տաքացնել 200 ° C ջերմաստիճանում: Հավի կրծքամսի կտորները դնել հալված յուղի մեջ և տապակել ջեռոցում 30 րոպե 200 ° C ջերմաստիճանում:
Այս ուտեստի հետո լավ են համադրվում պանրային սոուսները: Որպես խավարտ մատուցել մանր կտրատած գազար կամ նեխուր: Այս մթերքները հաջողությամբ ընդգծում են մսի թթու-կծու համը:
Հավի կրծքամիսը ջեռոցում պատրաստ է:
Բարի ախորժակ: