Հավի մսով ռուլետ պատրաստելու մի քանի պատճառ կարելի է նշել, բայց ամենակարևորն է, որ առաջին հերթին, դուք վստահ կլինեք ուտեստի համար ընտրված մթերքների պատշաճ որակի հարցում, և երկրորդը, ռուլետը պատրաստվում է շատ արագ և հեշտ:
Ստացվում է, որ նվազագույն բաղադրիչներով կարելի պատրաստել առավելագույն օգտակարության ու համի զուգորդում: Նման ռուլետը կարելի է մատուցել սենդվիչի, նախաճաշի և նույնիսկ երշիկեղենի փոխարեն տոնական սեղանին:
Հավի մսով ռուլետ. Բաղադրիչները
_Հավի կրծքամիս 1 կիլոգրամ
_25 գրամ ժելատին
_մի քանի պճեղ սխտոր
_աղ, պապրիկա, սև պղպեղ՝ ըստ ճաշակի
Հավի մսով ռուլետ. Պատրաստման եղանակը
_Լվանալ կրծքամիսը և կտրել փոքր կտորներով:
_Մաքրել սխտորը և մանր կտրատել, կամ ճզմել սխտորի մամլիչով մանրացնել:
_Թրջել ժելատինը սառը ջրի մեջ, փաթեթի վրա նշված հարաբերակցությամբ: Թող մնա ամանում, ուռչի 10 րոպե:
_Այնուհետև խառնել մանրացված սխտորը, հավի կրծքամիսը և ժելատինը, ըստ համտեսի աղ և պղպեղ անել:
_Դնել պատարստված միսը, կա՛մ սովորական տոպրակի մեջ, կամ կարող եք վերցնել թխման տոպրակ: Ձևավորել երշիկը և ամուր կապել` ավելորդ օդը բաց թողնելու համար:
_Լցնել ջուրը կաթսայի մեջ, հասցնել եռման: Ընկղմել հավի մսով ռուլետը եռացող ջրի մեջ: Այս պահից թող մոտ մեկ ժամ եփվի մարմանդ կրակի վրա:
_Պատրաստ ռուլետը թողնել, որ սառչի, այնուհետև դնել սառնարանում, թող ողջ գիշեր մնա: Արդեն առավոտյան հավի ռուլետը կարելի է կտրատել բարակ շերտերով սենդվիչների համար և վայելել դրանք անուշաբույր սուրճի կամ թեյի հետ:
Հավի մսով ռուլետը պատրաստ է:
Բարի ախորժակ: