Այսօրվա Հնդկահավով բիգոսի բաղադրատոմսը շատ պարզ է, առանց ավելորդ ձևականության: Ավանդական լեհական յաս ուտեստը ձեզ նույնպես դուր կգա, այն շատ հաճելի բույր ունի և արագ է հագեցնում: Փորձենք պատրաստել:
Բիգոսը պատրաստում են թթու կաղամբից` յուղոտ միս և ապուխտներով: Առաջարկում ենք կերակրատեսակը թեթևացնել վերցնելով դիետիկ հնդկահավի միս, որպեսզի չանհանգստանամ գիրանալու համար: Ուտեստի համը կարելի է հարստացնել շամպինիոնով և կանաչ լոբով, իսկ բույրը՝ անուշահոտ սալորաչրով:
Հնդկահավով բիգոս թթու կաղամբով և սալորաչրով. Անհրաժեշտ բաղադրիչները
_Հնդկահավի (կամ հավի) կրծքամիս 500 գ
_Սոխ 1 հատ
_Շամպինիոն 500 գ
_Կաղամբի թթու 500 գ
_Կանաչ լոբի 400 գ
_Սալորաչիր 200 գ
_Տոմատի մածուկ 2 ճաշի գդալ
_Համեմունք հավի համար 1 ճաշի գդալ
_Աղ` ըստ ճաշակի
_Սև պղպեղ (աղացած)` ըստ ճաշակի
Հնդկահավով բիգոս թթու կաղամբով և սալորաչրով. Պատրաստման եղանակը
_Կտրատել հնդկահավի միսը, լցնել տաք բուսական յուղով թավայի մեջ և տապակել մինչև կարմրի:
_Տեղափոխել չուգունե կաթսայի մեջ, լցնել մի քիչ ջուր և եփել 20 րոպե ցածր կրակի վրա:
_Թավայի մեջ, որտեղ միսն եք տապակել, լցնել մանր կտրատած սոխ: Երբ սոխը կիսաթափանցիկ դառնա, ավելացնել շերտերով կտրատած սունկը:
_Տապակել, ապա սունկը և սոխը լցնել չուգունե կաթսայի մսի վրա: Նույն տապակի մեջ լցնել հյութը քամած կաղամբը:
_Շոգեխաշել 5-7 րոպե միջին կրակի վրա, ապա ավելացնել չուգունի կաթսայի մեջ:
_Կաթսայի բաղադրիչներին ավելացնել սառեցված կանաչ լոբին և լվացած սալորաչիրը:
_Եռալուց հետո 40 րոպե եփել ամենացածր կրակի վրա: Պատրաստ լինելուց 10 րոպե առաջ ավելացնել տոմատի մածուկը, ըստ ճաշակի աղը և համեմունքները:
Ստացվում է բավական թեթև է, բայց միևնույն ժամանակ հարուստ տաք երկրորդ ուտեստ, այն կատարյալ է ընտանեկան տոնակատարությունների և կիրակնօրյա ճաշի համար:
Հնդկահավով բիգոսը թթու կաղամբով և սալորաչրով պատրաստ է:
Բարի ախորժակ:
Տեսանյութ
Համեղ տոլմա