Հունգարական շոռակարկանդակներ. Կաթնաշոռով և շերտավոր խմորով նուրբ թխվածքաբլիթները շատ հեշտ ու համեղ են ստացվում
Եթե սառնարանում ունեք մի տուփ շերտավոր խմոր, ուրեմն կարող եք պատրաստել Հունգարական շոռակարկանդակներ: Ձեզ պետք կլինի շատ քիչ ժամանակ և էլ ավելի քիչ ջանքեր, քանի որ պետք չէ խմոր հունցել, և դժվար ձևավորումներ անել: Ամեն ինչ շատ ավելի հեշտ է!
Ի դեպ, այս խմորեղենի համար որպես միջուկ կարող եք օգտագործել ցանկացած լցոն։ Դասական կաթնաշոռի փոխարեն կարող եք ընտրել սոխով միս կամ բրնձով բանջարեղեն: Ցանկության դեպքում շոռակարկանդակները թխելիս կարելի է ավելացնել ընկույզ կամ խնձորի մուրաբա։ Բավական համեղ կստացվի!
Որպեսզի կաթնաշոռի միջուկը շատ նուրբ դուրս գա, դուք պետք է պատշաճ կերպով պատրաստեք կաթնամթերքը, այն պետք է հարել բլենդերով կամ անցկացնել մանր անցքերով մաղով: Այդպես միջուկը շատ նուրբ կլինի և կհալվի բերանում։
Հունգարական շոռակարկանդակներ. Բաղադրիչներ
_Շերտավոր խմոր առանց խմորիչի 400 գ
_Կաթնաշոռ 300 գ
_Ձու 2 հատ
_Ձվի դեղնուց 2 հատ
_Շաքարավազ 100 գ
_Կիտրոնի կեղև 10 գ
_Ցորենի ալյուր 1 ճաշի գդալ
Հունգարական շոռակարկանդակներ. Պատրաստման եղանակը
_Փաթեթից հանում ենք առանց խմորիչի շերտավոր խմորը։ Ծածկել թաղանթով և թողնել սենյակային ջերմաստիճանում։
_Աշխատանքային մակերեսին ցանել ալյուր, վրան խմորը գրտնակել 7 մմ-ից ոչ ավելի հաստությամբ շերտի։
_Կտրեք այն հավասար չափի քառակուսիներով և կրկին ծածկեք թաղանթով:
_Պատրաստել միջուկը. Կաթնաշոռն անցկացնել մանր մաղով։ Կիտրոնի կեղևը քերիչով անցկացնել, ավելացնել կաթնաշոռին։
_Առանձին ամանի մեջ հարիչով հարում ենք ձվերը շաքարավազի հետ մինչև փարթամանա: Ստացված զանգվածը լցնել կաթնաշոռի մեջ։
_Մանրակրկիտ խառնել մինչև համասեռ հաստ զանգված ստացվի։
_Խմորի յուրաքանչյուր քառակուսի կտորի մեջտեղում մի քիչ կաթնաշոռով միջուկ դնել։
_Խմորի ծայրերը միացնել իրար։
_Թողնել սենյակային ջերմաստիճանում 15 րոպե։
_Ջեռոցը տաքացնել 200 աստիճան։
_Խմորի կտորները շարել յուղաթղթով ծածկված ջեռոցի տապակի վրա։
_Հարել դեղնուցները, դրանով քսել ապագա շոռակարկանդակների երեսը։
_15-20 րոպեով դնել նախապես տաքացրած ջեռոցում։
_Թխվածքը հանել ջեռոցից և թողնել, որ սառչի։
Մատուցելուց առաջ խմորեղենի վրա շաքարի փոշի ցանել և տաք անուշաբույր թեյի հետ միասին մատուցեք ձեր ընտանիքին։
Հունգարական շոռակարկանդակները պատրաստ են:
Բարի ախորժակ:
Տեսանյութ
Տորթ առանց ջեռոցի. Չիզքեյք
