Մեղրով թխվածքաբլիթներ. Ընկույզով նուրբ ու փխրուն աղանդեր

Մեղրով թխվածքաբլիթներ այս եղանակով պատրաստման համար ձեզ շատ բաղադրիչներ պետք չեն։ Եվ դուք դրանք բոլորը կարող եք գտնել տանը, այնպես որ ստիպված չեք լինի վազել խանութ ինչ-որ բանի համար: Վերցրեք ընկույզը և սկսեք:

Խմորի ճիշտ կառուցվածք ստանալու համար պետք է օգտագործել փափկած կարագ։ Այդ պատճառով այն պետք է նախապես հանել սառնարանից։ Կարագը պետք է լինի սենյակային ջերմաստիճանում։ Միայն դրանից հետո կարող եք սկսել աշխատել կարագով:

Մեղրով թխվածքաբլիթներ. Բաղադրիչներ

_Ձու 1 հատ

_Մեղր 50 գ

_Կարագ 50 գ

_Շաքարավազ 50 գ

_Ցորենի ալյուր 210 գ

_Փխրեցուցիչ 5 գ

_Ընկույզ 60 գ

Մեղրով թխվածքաբլիթներ. Պատրաստման եղանակը

_Փափկած կարագը հարել շաքարավազով, ավելացնել ձու և մեղր, խառնել։

_Ավելացնել մաղած ցորենի ալյուրը և փխրեցուցիչը, շաղախել խմորը

_Ընկույզը մանրացնում ենք փշրանքների նման։

_Խմորից փոքրիկ գնդիկներ կազմել, թաթախել դրանք ընկույզների մեջ:

_Բլիթները դնել յուղաթղթով ծածկված ջեռոցի տապակի վրա։

_15-20 րոպեով դնել 180 աստիճան տաքացրած ջեռոցում։

Մատուցեք մեղրով թխվածքաբլիթները նարնջի թեյի հետ։

Այն պատրաստելու համար վերցրեք 1 նարինջ և լավ լվացեք։ Կեղևը մանր քերիչով քերել, այնոհետև հյութը ճզմել, այն անցկացնել թանզիֆով։

Թեյնիկի մեջ լցնել սև տերևով թեյ: Ավելացնել մի քանի չոր մեխակ և 1 պտղունց աղացած դարչին: Լցնել նարնջի քերած կեղևը և 0,5 թեյի գդալ շաքար (ցիտրուսի համն ընդգծելու համար):

Այնուհետև թեյնիկի մեկ երրորդը լցրեք տաք ջրով։ Ծածկեք և թողեք 10 րոպե, հետո լցնել տաք ջուր՝ մինչև վերև։ Նարնջի հյութը լցնել բաժակների մեջ, որից հետո՝ թեյը։

Վայելեք ցիտրուսային նոտաներով բուրավետ ըմպելիքը և ընկույզով փխրուն թխվածքաբլիթները:

Բարի ախորժակ:

Տեսանյութ

Մեղրով թխվածքաբլիթներ