Այսօր տնական Նուտելլա ենք պատրաստելու՝ օգտակար, համեղ և անվտանգ քաղցրավենիք թե համեղ նախաճաշի համար և թե հետաքրքիր սուրճի աղանդերներ պատրաստելու համար։
Նուտելլա Բաղադրիչներ
- Պնդուկ — 300 գր․
- Շաքարի փոշի — 4 ճ․գդ․
- Կակաոի փոշի — 2 ճ․ գդ․
- Պարմալատ Շոկոլադե կոկտեյլ — 300 գր․
- Վանիլին — 0,5 թ․գդ․
Նուտելլա քայլ առ քայլ
- Մեզ հարկավոր է պնդուկ, ես 300 գրամ եմ մոտավորապես վերցրել, բայց դուք կարող եք կեսը վերցնել փորձելու համար, կամ նույնիսկ կրկնապատկել չափաբաժինները
- Պնդուկը պետք է բովենք ջեռոցում մոտ 10 րոպե
- Հանենք ջեռոցից և կեղևահան պետք է անենք
- Սովորաբար պնդուկը օգտագործում էի առանց բովելու, բայց վերջին տարիներին անգամ ամանորյա չարազեղենի մեջ պնդուկը անպայման բոված և կեղևահանված եմ մատուցում, համը էապես տարբերվում է
- Պետք է մեր պնդուկը հարիչով հարենք՝ հնարավորինս երկար մոտ 10 րոպե, արդյունքում ստանում ենք պնդուկի կարագ, որը վաճառվում է մեր խանութներում, կարող եք միանգամից դա գնել, բայց դե մենք տնավարի մեր ձեռքերով ենք սիրում պատրաստել ամեն ինչ
- Անընդհատ կողքերից խառնելով փշուրները վեր են ածվում այսպիսի խյուսի
- Քաղցրություն հաղորդելու համար պետք է շաքարի փոշի ավելացնենք, բայց շատ չէ՝ ընդամենը 4 ճաշի գդալ, մեղրով չենք կարող փոխարինել, այդ դեպքում շատ արագ քարանում է
- Կակաո 2 ճաշի գդալ կավելացնենք
- Կես թեյի գդալ վանիլին կավելացնենք
- Եվ իմ առաջարկած հետաքրքիր և համեղ նորույթը, որը մեր նուտելլան կդարձնի ծորուն, հարթ և համեղ
- Իտալական համաշխարհային Պարմալատ ֆիրմայից կապուչինո և շոկոլադե կոկտեյլ եմ բացահայտել ինձ համար, այս պատրաստի կապուչինոն որպես սառը սուրճ հաճույքով կվայելեմ վաղը, սա դնենք կողքի, իսկ շոկոլադե այս կաթնային կոկտեյլը այժմ կօգտագործենք ավելացնելով մեր ստացված զանգվածին
- Նուտելլան հարելու ընթացքում անընդհատ կավելացնենք քիչ քիչ, որպեսզի ճիշտ խտություն ստանանք
- Մինչ կհարենք ներկայացնեմ մեր խաղարկության պայմանները
- Անհրաժեշտ է պարտադիր բաժանորդագրվել մեր ալիքին, լայք դնել տեսանյութերին և մեկնաբանությունների բաժնում տեսանյութի տակ անպայման գրել որևէ մեկնաբանություն այս բաղադրատոմսի մասին
- Յուրաքանչյուր կիրակի պատահականության սկզբունքով ծրագիրը ընտրում է մեկ հաջողակի, որը կստանա մեր պատրաստած նվերը
- Արդեն մեր նուտելլան պատրաստ է, այս խտությունը մեզ լրիվ բավարար է, եթե դուք ավելի խիտ եք սիրում կարող եք ավելի քիչ ավելացնել կաթնային կոկտեյլը, կամ հակառակը
- Համեղ քաղցրավենիքը արդեն ձեր սառնարանում է, հուսով եմ կփորձեք պատրաստել և լուսանկարները կտեղադրեք մեր բաց խմբում։
Նուտելլա Տնական․ Համեղ նախաճաշ Տեսանյութ
Դե ինչ, բարի ախորժակ։