Ֆրանսիական նուրբ տորթ Միլֆեյ. Անչափ համեղ է քնքուշ կրեմով և թարմ հատապտուղներով

Պատրաստենք Ֆրանսիական նուրբ տորթ Միլֆեյ. Արագ և հեշտ բաղադրատոմս հաճելի կրեմով և թարմ հատապտուղներով համեղ, նուրբ աղանդերի համար:

Տորթի հիմքը պատրաստի շերտավոր խմորն է։

Ֆրանսիական նուրբ տորթ Միլֆեյ. Բաղադրիչները

_ շերտավոր խմոր 1 տուփ

_ ձու 2 հատ

_ շաքարավազ 100 գ

_ օսլա 25 գ

_ տաք կաթ 300 գ

_ վանիլին

_ կարագ 170 գ

_ ազնվամորի, այլ հատապտուղներ 300 գ

_ շաքարավազ

Ֆրանսիական նուրբ տորթ Միլֆեյ. Պատրաստման եղանակը

_ Խմորը նախապես հանել սառցախցիկից, որպեսզի հալչի։

_Հալված խմորը գրտնակել և կտրել կլոր շերտեր՝ որքան կստացվի։

_ Շերտերից մեկը եռանկյունիներով կտրատել։ Խմորի ավելցուկները նույնպես թխել։

_Շերտերը դնել յուղաթղթով ծածկված ջեռոցի տապակի վրա և թխել 180 աստիճանով մինչև ոսկե դարչնագույնը։

_ Կրեմի համար ձվերը հարել շաքարավազի և վանիլինի հետ, ավելացնել օսլան, հարել, մինչև հարթվի:

_ Աստիճանաբար լցնել տաք, բայց ոչ եռացող կաթը, հակառակ դեպքում ձվի զանգվածը կկտրվի։

_ Եփել մարմանդ կրակի վրա, մինչև թանձրանա, թողնել հանգստանա:

_ Փափկած կարագը հարել և մաս-մաս ավելացնել եփած կրեմը, հարել մինչև փարթամ ու հարթ լինի։

_ Լցնել հատապտուղները տապակի մեջ և եփել շաքարավազի հետ, մոտ 10 րոպե։

_ Տորթը հավաքել շերտերին կրեմ քսելով, վրան քսել հատապտուղներով զանգվածը։

_ Մնացած կրեմը քսել թխվածքի կողքերին և ցանել թխված ավելցուկ կտորների փշուրներ։

_ Տորթը դնել սառնարանում թրմվելու 4 — 6 ժամ։

Շատ թեթև, հատապտղային, նուրբ թխվածք, իդեալական է առավոտյան թեյի համար։

Բարի ախորժակ:

Տեսանյութ

Տորթ էկլեր