Այսօր թխելու ենք իսկական Շաքար-Լոխում կամ Շաքար-Չորակի Լուսնաձև, բերանում հալվող, քաղցր համեղություն։ Արդեն միայն տեսքից դեռ չհամտեսած էլ շատերս հաստատ տեղափոխվելու ենք մեր մանկություն։
Շաքար-Լոխում Բաղադրիչներ
- Կարագ — 200 գր․
- Շաքարի փոշի — 200 գր․
- Վանիլ
- Ձեթ — 95 մլ․
- Եգիպտացորենի օսլա — 4 ճ․ գդ․
- Ալյուր — 300 գր․
Շաքար-Լոխում Պատրաստման եղանակը
- 200 գրամ շաքարի փոշին կլցնենք տարայի մեջ
- 4 ճ․ գդ․ օսլա կլցնենք
- Մոտ 1,5 բաժակ ալյուր
- Մեկ պտղունց վանիլին կլցնենք
- 95 գրամ ձեթ կավելացնենք
- Կարագ 200 գրամ կդնենք․ փափկած վիճակում պետք է լինի այն
- Եվ սկսենք ձեռքով խառնել զանգվածը
- Գնդվեց, այժմ էլ բացվեց
- Շատ բարակ չենք բացում
- Այժմ կիսալուսնաձև պետք է կտրատենք
- Եթե նման հարմար ձևանմուշ չունեք, կարող եք լուսնի ձև ստանալ բաժակի օգնությամբ
- Կարող եք անգամ շրջանաձև թխել, դրանից համը չի փոխվի
- Թխելու ենք 180-190 աստիճանում 20-25 րոպե
- Հանում ենք ջեռոցից և տաք տաք վիճակում վրան շաղ ենք տալիս շաքարի փոշին
- Արդեն մի փոքր սառելուց հետո կարող ենք մատուցել։
Դե ինչ, բարի ախորժակ։
