Շոկոլադե Նապոլեոն. Նապոլեոն տորթի այս տարբերակը պատրաստելը մի քիչ բարդ է, բայց արդյունքը հաճելիորեն կզարմացնի ձեզ։
Տորթ Նապոլեոնը հայտնի է բառացիորեն աշխարհի բոլոր երկրներում: Այժմ դժվար է գտնել քաղաքակիրթ մարդ, ով երբեք չի փորձել այս աղանդերը։ Այս հրուշակեղենի պատրաստման բազում տարբերակներ են փորձարկվել, թե կրեմի, թե ձևավորման առումով:
Շոկոլադե Նապոլեոն. Բաղադրիչները
_ ալյուր — 110 գ
_ բուսական յուղ — 30 գ
_ կակաոյի փոշի — 20 գ
_ կաթ — 820 մլ
_ փխրեցուցիչ — 4 գ
_ շաքարավազ — 1070 գ
_ դարչին — 1,5 թեյի գդալ
_ վանիլային շաքար — 40 գ
_ հավի ձու — 6 հատ
_ աղ — մի պտղունց
_ կարագ — 100 գ
_ եգիպտացորենի օսլա — 80 գ
_ պահածոյացված դեղձ — 480 գ
_ շերտավոր խմոր — 375 գ
_ սերուցք — 400 գ
_ կրեմի խտացուցիչ — 16 գ
_ շաքարի փոշի — 50 գ
Շոկոլադե Նապոլեոն. Պատրաստման եղանակը
_ Մի ամանի մեջ խառնել սորուն մթերքները՝ ալյուրը, կակաոյի փոշին, փխրեցուցիչը և կես թեյի գդալ դարչին:
_ Երկրորդ ամանի մեջ կոտրել 2 ձու, ավելացնել աղ, 8 գրամ վանիլային և 80 գրամ սովորական շաքարավազ։
_ Ձուն հարում ենք շաքարավազի հետ, մինչև ավազահատիկները լուծվեն զանգվածի մեջ։
_ Ձվի զանգվածին ավելացնել բուսայուղ և 70 մլ կաթ, շարունակել հարել։ Սորուն մթերքները մաղել ձվի խառնուրդի վրա, շաղախել խմորը:
_ Կաղապարի վրա (26 սմ) դնել յուղաթուղթ, լցնել բիսկվիթի խմորը։
_ Ջեռոցը տաքացնել 175 աստիճան, թխել 20 րոպե։
_ Շերտավոր խմորը կտրատել բարակ և երկար շերտերով, դնել յուղաթղթով ծածկված ջեռոցի տապակի վրա։
_ Ջեռոցը հասցնում ենք 200 աստիճանի, թխում ենք խմորի շերտերը 20 րոպե։
_ Բիսկվիթի ուռուցիկ գագաթը պետք է կտրել և տրորելով փշրել:
_ Կաթսայի մեջ 750 մլ կաթը եռացնել։
_ Առանձին տարայի մեջ խառնել շաքարավազը, վանիլային շաքարավազը և օսլան։ Այս խառնուրդը լցնել տաք կաթի մեջ, լավ խառնել:
_ Առանձին հարել մնացած 4 ձվերը, լցնել կաթի զանգվածի մեջ, մանրակրկիտ հարել, մինչև համասեռ լինի: Միջին կրակի վրա այս զանգվածը եփել մինչև թանձրանա։
_ Այնուհետև զանգվածը կրակից հանել, դրան ավելացնել կարագը և հարել խառնիչ։ Ավելացնել դարչին և կրկին հարել։
_ Ստացված տաք կրեմի մի մասը քսել բիսկվիթի մակերեսին՝ հավասարաչափ բաշխելով։
_ Կրեմի վրա սեղմելով դնել շերտավոր խմորի ձողիկներ, դրանք նույնպես ծածկել կրեմի մի մասով, ավելացնել մնացած ձողիկները, էլի կրեմ քսել և այսպես մինչև ձողիկներն ու կրեմը վերջանան։
_ Տորթը ծածկել սննդային թաղանթով և 6 ժամով դնել սառնարանում:
_ Դեղձի պահածոյի հեղուկը քամել և պտղամիսը կտրատել փոքր քառակուսիների։
_ Կրեմին ավելացնել խտացուցիչ, վանիլային շաքար և շաքարի փոշի։
_ Բաղադրիչները հարել հարիչով մինչև թանձր կրեմ ստացվի։
_ Այս կրեմի կեսին ավելացնել բիսկվիթի փշրանքներ, լավ խառնել։
_ Տորթի մակերեսին քսել կրեմի այս մասը, վրան ցանել դեղձը։
_ Կրեմի երկրորդ մասով դեղձի շերտը ծածկել, դրանով ծածկել նաև տորթի կողքերը։
_ Տորթը ևս մեկ ժամով դնել սառնարանում:
_ Շոկոլադե Նապոլեոն տորթ վրա ցանել բիսկվիթի փշրանքներ։
Շոկոլադե Նապոլեոնը պատրաստ է:
Բարի ախորժակ:
Տեսանյութ
Տորթ Նապոլեոն