Շոկոլադե նրբաբլիթներ. Առույգացնող նախաճաշ, որը հաճույքով կվայելեք:
Նախաճաշին ավելի համեղ բան չկա, քան քաղցր սոուսով փափուկ և քնքուշ նրբաբլիթները: Նրբաբլիթների համար կան լցոնումներ պարունակող բազմաթիվ բաղադրատոմսեր, օրինակ՝ խնձորով, կաղամբով և նույնիսկ մսով: Մենք առաջարկում ենք այս հավաքածուն լրացնել կեֆիրով շոկոլադային բաղադրատոմսով:
Նման նրբաբլիթները կարող եք մատուցել ցանկացած ջեմով, մուրաբայով, դրանք հատկապես համեղ են սալորի հետ: Եվ եթե դրանց ավելացնեք հալված շոկոլադ, ապա կստանաք կատարյալ նախաճաշ: Վրան լցնելու համար քերած շոկոլադե սալիկը խառնել սերուցքի հետ և հալեցնել թույլ կրակի վրա:
Շոկոլադե նրբաբլիթներ. Անհրաժեշտ բաղադրիչները
- Կեֆիր 400 մլ
- Ցորենի ալյուր 300 գ
- Շաքար 60 գ
- Կակաոյի փոշի 40 գ
- Ձու 1 հատ
- Սոդա 0,25 թեյի գդալ
- Արևածաղկի ձեթ 60 մլ
- Կիտրոնի հյութ 5 մլ
Շոկոլադե նրբաբլիթներ.Պատրաստման եղանակը
- Ձուն հարել շաքարով, մեջը լցնել կեֆիրը և կիտրոնի հյութը, լավ խառնել:
- Ավելացնել ալյուր, սոդա և կակաո: Տապակի մեջ տաքացնել արևածաղկի ձեթը, խմորը ճաշի գդալով փոքրիկ շրջանակների նման լցնել մեջը:
- Յուրաքանչյուր բլիթը տապակել երկու կողմերից` բարձր կրակի վրա: Պատրաստի նրբաբլիթները դնել անձեռոցիկի վրա՝ ավելորդ յուղը հեռացնելու համար:
Մնում է անուշաբույր սուրճ կամ թեյ եփել: Կակաոյի խառնուրդն իր բույրով կարթնացնի տան բոլոր անդամներին:
Այս ուտեստը հիանալի միջոց է առավոտյան բոլորին լավ տրամադրություն հաղորդելու համար: Անպայման փորձեք և կիսվեք բաղադրատոմսով ձեր ընկերների հետ:
Տեսանյութ
Փքուն ալադիների պատրաստման եղանակը