Եկեք պատրաստենք Շոկոլադե ողկույզներ աղանդերը, որն իր նրբագեղությամբ հանդերձ պարունակում է ընդամենը 3 բաղադրիչ:
Կարևորն այն է, որ այս քաղցրավենիքը պատրաստելը ձեզանից կպահանջի ընդամենը մի քանի րոպե ժամանակ:
Շոկոլադե ողկույզներ. Անհրաժեշտ բաղադրիչներ
_Շոկոլադ — 200 գր
_Չամիչ — 100 գ
_Ընկույզ * — 150 գ
_Կոկոսի փաթիլներ (ըստ ցանկության) — մոտ 1 ճաշի գդալ
* Ընկույզները նախապես բովել ջեռոցում ՝ 150 ° C ջերմաստիճանում
Շոկոլադե ողկույզներ. Պատրաստման եղանակը
Կարճ ժամանակով չամիչի վրա լցնել եռաման ջուրը, քամել մաղով և հնարավորինս լավ չորացնել թղթե սրբիչի օգնությամբ:
Կոտրատած շոկոլադը կաթսայի մեջ լցնել և հալեցնել ջրային բաղնիքի վրա: Անընդհատ խառնել:
Եթե վերցնեք դառը շոկոլադ, դրանով կստանաք բավարար դառնություն, որը բնորոշ է «մեծահասակների» աղանդերներին: Այս դեպքում քաղցրություն կա միայն չամիչի մեջ: Ավելի քաղցր տարբերակի համար ընտրեք նուրբ կաթնային շոկոլադ:
Կաթսան հանել կրակից, շոկոլադին ավելացնել չամիչ և ընկույզ: Մանրակրկիտ խառնել: Այս դեպքում վերցրել ենք 110 գրամ գետնանուշ և 40 գրամ ընկույզ:
Ստացված զանգվածը փոքր բուրգիկների տեսքով լցնել բարձրորակ յուղաթղթի կամ սննդային թաղանթով ծածկված մակերեսի վրա:
Ցանկության դեպքում այս կտորների վրա ցանել կոկոսի փաթիլներ և դնել, որ լավ սառչի սառնարանում (դա կտևի մոտ կես ժամ) կամ կարելի է թողնել սենյակային ջերմաստիճանում (այդ դեպքում կտևի մոտ 3 ժամ):
Շոկոլադե ողկույզները պատրաստ են:
Բարի ախորժակ
Տեսանյութ
Ինչպես պատրաստել Շոկ մանժե
