Շոկոլադե տորթ թթվասերով կրեմով. Այս տորթը ձեզ կզարմացնի իր նրբությամբ և թեթևությամբ։ Կարծում եմ՝ այստեղ ամբողջ իմաստը եռման ջուրն է, որը պետք է ավելացնել խմորին։ Դրա շնորհիվ այն ստացվում է կրեմի պես: Եվ մի անհանգստացեք, որ աղանդերը չի ստացվի։
Ուշադիր հետևեք հրահանգներին և երաշխավորում եմ, որ հիանալի աղանդեր կպատրաստեք:
Շոկոլադե տորթ թթվասերով կրեմով. Բաղադրիչներ
_ Ձու 2 հատ
_ Կաթ 200 մլ
_ Շաքարավազ 230 գ
_ Աղ 1 պտղունց
_ Ցորենի ալյուր 360 գ
_ Կակաոյի փոշի 6 ճաշի գդալ
_ Արևածաղկի ձեթ 100 մլ
_ Ջուր 200 մլ
_ Փխրեցուցիչ 1 թեյի գդալ
_ Սոդա 1 թեյի գդալ
_ Թթվասեր 400 գ
_ Եփած խտացրած կաթը 380 գ
_ Դառը շոկոլադ 50 գ
Շոկոլադե տորթ թթվասերով կրեմով. Պատրաստման եղանակը
_ Խառնել ձուն, արևածաղկի ձեթը, աղը, շաքարավազը և կաթը։ Դրա վրա ալյուրը, փխրեցուցիչը, սոդան և կակաոն մաղել, խմոր հունցել։
_ Լցնել եռացրած ջուրը և արագ խառնել խմորը, մինչև հարթվի:
_ Թխելու համար նախատեսված կաղապարի մեջ դնել յուղաթուղթ:
_ Խմորը լցնել և բիսկվիթը թխել նախապես մինչև 200°C տաքացրած ջեռոցում 40–50 րոպե։
_ Պատրաստի բիսկվիթը երկայնքով կտրատել 3 շերտի։ Վերևի ուռուցիկ մասը կտրել զարդարելու համար:
_ Կրեմը պատրաստելու համար թթվասերն ու եփած խտացրած կաթը խառնել մինչև հարթ լինի։
_ Բիսկվիթի շերտերին քսել կրեմ՝ դնելով դրանք իրար վրա։ Տորթը զարդարում ենք թխվածքի փշրանքներով և քերած շոկոլադով։
Կրեմը թանձրացնելու համար ընտրեք ավելի յուղալի թթվասեր։ Որքան բարձր է ճարպի տոկոսը, այնքան լավ։
Այս թթվասերով կրեմով տորթը կարելի է մատուցել որպես տոնական աղադեր, հարազատների և ընկերների հետ տնային հավաքույթների համար կամ պարզապես աշխատանքային օրերին, երբ շատ եք ուզում տանը պատրաստված քաղցրավենիք վայելել:
Բարի ախորժակ:
Տեսանյութ
Զոլավոր բիսկվիթ թթվասերով