Եթե գոնե մեկ անգամ Շոռակարկանդակ փորձել եք, ապա հավանաբար սիրահարվել եք դրան, քանի որ այն ունի անհավանական համ: Ցավոք, այս նրբագեղությունը դասական տարբերակով արագ պատրաստելը բոլորովին էլ հեշտ չէ: Բայց կա այս աղանդերի պարզեցված տարբերակը, որը կարելի է պատրաստել ընդամենը երեք բաղադրիչով: Այս տարբերակի հեղինակը ճապոնացի Օչիկերոն մականունով մի աղջիկ է:
Բաղադրատոմսն իսկական հիթ է դարձել ինտերնետում: Խոհարար մասնագետներն ու տնային տնտեսուհիները ամբողջ աշխարհում փորձեցին պատրաստել այս նրբագեղությունը և այժմ շատ շնորհակալ են դրա ստեղծողին:
Շոռակարկանդակ. Անհրաժեշտ բաղադրիչները
_Սերուցքային պանիր 120 գ
_Սպիտակ շոկոլադ 120 գ
_Ձու 3 հատ
Շոռակարկանդակ. Պատրաստման եղանակը
_Սպիտակուցներն առանձնացնել դեղնուցներից: Ծածկել սպիտակուցները ցելոֆանե ծածկոցով և կարճ ժամանակով դնել սառնարանում:
_Սպիտակ շոկոլադը հալեցնել ջրային բաղնիքում: Խառնել շոկոլադը, սերուցքային պանիրը և ձվի դեղնուցները: Տաքացնել խառնուրդը մարմանդ կրակի վրա և լավ հարել:
_Նախապես հարած ձվի սպիտակուցների մեկ երրորդը ավելացնել զանգվածին` ամուր փրփուր ստանալու համար: Լավ խառնել: Դրանից հետո ավելացրեք ևս մի քիչ սպիտակուց և կրկին հարել: Դրանից հետո խառնուրդին ավելացնել մնացած սպիտակուցները:
_Յուղաթուղթը դնել բացվող կողմերով ձևամանի մեջ, ավելացնել թուղթն այնպես, որ կողքերը նույնպես ծածկվեն, յուղել թուղթը:
_Պատրաստի խառնուրդը լցնել կաղապարի մեջ: Կաղապարը դնել մի փոքր տաք ջուր լցրած ջեռոցի տապակի վրա, տաքացնել ջեռոցը 170 աստիճանով և թխել 15 րոպե: Դրանից հետո ջերմաստիճանը իջեցնել 160 աստիճանի և եփել ևս 15 րոպե:
_Անջատեք վառարանը և թողեք, որ կարկանդակը թխվի մնացորդային տաքության տակ 15 րոպե: Թողեք սառչի, ապա հանել շոռակարկանդակը կաղապարից ու ցանկության դեպքում վրան ցանել շաքարի փոշի:
Դժվար է պատկերացնել, որ նման զարմանալի աղանդեր կարելի է պատրաստել երեք բաղադրիչներից: Բայց իրականում այդպես է: Փորձեք:
Շոռակարկանդակը պատրաստ է:
Բարի ախորժակ:
Տեսանյութ
Դդումով կարկանդակ