Շտրեյզելով կարկանդակ. Գերմանական բաղադրատոմսով այս թխվածքն ավելի հեշտ է պատրաստվում, բայց տորթի նման համեղ է

Առաջարկում ենք թխել համեղ ու քաղրցրահամ Շտրեյզելով կարկանդակ:

Գերմանիայում, բացի գերազանց գարեջրից, պատրաստում են համեղ քաղցր կարկանդակներ։ Թխվածքները միշտ տարբեր են ստացվում, քանի որ յուրաքանչյուր տնային տնտեսուհի որոշակի ճշգրտումներ է կատարում բաղադրիչների մեջ:

Տոների համար այսպիսի թխվածք են պատրաստում. Օրինակ, Սուրբ Ծննդյան կամ Զատիկի տոնի ժամանակ:

Բայց այժմ ավելի հաճախ ժամանակակից խոհարարները ընտրում են պարզ բաղադրատոմսեր, որոնք հեշտ են նույնիսկ սկսնակների համար:

Շտրեյզելով կարկանդակ. Անհրաժեշտ բաղադրիչները

_ կաթ — 300 մլ

_ սերուցք — 150 մլ

_ շաքարավազ — 180 գ

_ կարագ — 210 գ

_ խմորիչ — 36 գ

_ ալյուր — 700 գ

_ վանիլային շաքար — 10 գ

_ աղ — 1 թեյի գդալ

_ հավի ձու — 3 հատ

Շտրեյզելով կարկանդակ. Պատրաստման եղանակը

_ Նախապես անհրաժեշտ է կաթը տաքացնել մինչև 50 աստիճան։

_ Կաթով ամանի մեջ ավելացնել խմորիչը, 30 գրամ շաքարավազը և խառնել։

_ Ձվերը կոտրել խմորիչով խառնուրդի մեջ, ավելացնել 180 գրամ կարագ և վանիլային շաքարավազ։ Աղ անել և խառնել բոլոր բաղադրիչները։

_ Ալյուրը լցնել խմորիչով զանգվածի մեջ։ Ձեռքով հունցել մինչև փափուկ, մի փոքր կպչուն խմոր ստացվի, Դրա համար անհրաժեշտ է մոտավոր 6 րոպե։

_ Խմորը 40 րոպե թողնել տաք տեղում, որպեսզի խմորիչը աշխատի մյուս բոլոր բաղադրիչների հետ։

_ Թխելու կաղապարի մեջ դնել յուղաթուղթ։ Հասունացած խմորը տեղափոխում ենք կաղապարի մեջ, հավասարաչափ տարածում և թողնում տաք տեղում, սրբիչի կամ թաղանթի տակ՝ ևս 20 րոպե։

_ Առանձին ամանի մեջ խառնել 150 գրամ շաքարավազը և 60 գրամ կարագը։ Զանգվածը տրորել, որ ստացվեն մանր փշրանքներ:

_ Խմորի մեջ գդալով կամ փայտե շամփուրով 5 շարքով անցքեր անել։

_ Այս անցքերի մեջ լցնել շաքար-կարագի փշրանքները։

_ Ջեռոցը տաքացնել 180 աստիճանով, թխել կես ժամ։

_ Եփելուց հետո կարկանդակի վրա առատորեն լցնել սերուցքը։

_ Խմորեղենը նույն ջերմաստիճանւի տակ 5-7 րոպեով նորից դնել ջեռոցը։

Արդյունքում ստացված թխվածքն իսկական տորթի նման նուրբ է:

Բարի ախորժակ:

Տեսանյութ

5 գաթա