Շքեղ տորթ. Առանց բարդության պատրաստվող, բերանում հալչող քնքշություն

Այսպիսի Շքեղ տորթ թխելով կհամոզվեք, որ ամենապարզ բաղադրատոմսերը միշտ ամենահամեղն են։ Ամեն ինչ արագ է պատրաստվում, տորթը խոնավ է և նուրբ։

Շքեղ տորթ. Հարկավոր են հետևյալ բաղադրիչները

_ խտացրած կաթ 1 բանկա

_ կարագ 100 գ

_ մի պտղունց աղ

_ վանիլին

_ ձու 2 հատ

_ ալյուր 140 գ

_ փխրեցուցիչ 2 թեյի գդալ

Կրեմը պատրաստելու համար վերցրեք

_ յուղալի թթվասեր 500 գ

_ շաքարի փոշի ըստ ճաշակի

Ջնարակը պատրաստելու համար վերցրեք.

_ մուգ շոկոլադ 1 սալիկ

_ կաթ 50 մլ

Շքեղ տորթ. Պատրաստման եղանակը

_ Խտացրած կաթը փափկած կարագի հետ խառնել, մինչև հարթվի։

_ Ձվերը կոտրել մեջը և խառնիչով հարել։

_ Ավելացնել աղ և վանիլին։

_ Մաղած ալյուրը և փխրեցուցիչը լցնել և հունցել հարթ, միատարր խմոր։

_ Լցնել յուղաթղթով պատված կաղապարի մեջ և թխել 180 աստիճան ջերմաստիճանում մոտ 30-40 րոպե՝ ստուգելով պատրաստությունը։

_ Բիսկվիթը սառելուց հետո կտրել շերտերով:

_ Կրեմի համար յուղալի թթվասերը հարել շաքարի փոշիով։

_ Տորթը կազմել շերտերը կրեմով քսելով: Տորթի կողքերի ու վերևի մասը նույնպես ծածկել կրեմով։

_ Շոկոլադը հալեցնել կաթի հետ խառնելով, մինչև հարթ լինի և տորթի վերևի մասը զարդարել տարբեր նախշերով և շերտերով։

Տորթը շատ նուրբ է, փափուկ, կրեմը պարզապես օդեղեն է։

Բարի ախորժակ:

Տեսանյութ

Լիմոնով տորթ