Պահքի թխվածքաբլիթներ պատրաստելու համար կծախսեք 10 րոպե, իսկ հետո նույնքան կսպասեք ջեռոցից դուրս գալուն:
Այս տնական փխրուն թխվածքաբլիթները պատրաստելու համար ձեզ հարկավոր չեն ձու, կաթ, կարագ, կեֆիր կամ թթվասեր: Ստացվում է, որ ոչնչից թխվածք եք թխում:
Իրոք, փոքր քանակությամբ բաղադրիչներից ստացվում է անուշահոտ խմորեղենի մի ամբողջ տապակ: Կհամոզվեք, որ համեղ լինելու համար աղանդերը պարտադիր չէ, որ լինի բարդ և խճճված:
Պահքի թխվածքաբլիթներ. Բաղադրիչներ
_ Ցորենի ալյուր 200 գ
_ Օսլա 70 գ
_ Ջուր 100 մլ
_ Արևածաղկի ձեթ 70 մլ
_ Շաքարավազ 4 ճաշի գդալ
_ Աղ 0,3 թեյի գդալ
_ Փխրեցուցիչ 1 թեյի գդալ
Պահքի թխվածքաբլիթներ. Պատրաստման եղանակը
_ Ալյուրը մաղել օսլայի և փխրեցուցիչի հետ։ Ավելացնել աղ և 2 ճաշի գդալ շաքար:
_ Ավելացնել ջուր և արևածաղկի ձեթ, հունցել փափուկ խմոր։
_ Խմորը գրտնակել ուղղանկյուն շերտով, վրան շաղ տալ մնացած շաքարը և կտրատել քառակուսիներով։
_Խմորի կտորները դնել յուղաթղթով ծածկված ջեռոցի տապակի վրա և 15 րոպեով դնել մինչև 190°C տաքացրած ջեռոց:
Պահքի թխվածքաբլիթներ պատրաստելու համար ինքներդ կարգավորեք շաքարի քանակը:
Եթե քաղցրասեր եք, իհարկե, կարող եք ավելի շատ քաղցրացուցիչ ավելացնել: Նաև օգտագործեք անբույր արևածաղկի ձեթ, որպեսզի այս բաղադրիչը չազդի աղանդերի համի վրա: Ցանկացած օսլա հարմար կլինի:
Վայելե՛ք:
Տեսանյութ
Կաթնաշոռով թխվածքաբլիթներ
