Պարզ թխվածքաբլիթ. Ունիվերսալ աղանդեր մատչելի մթերքներով

Պատրաստենք պարզ թխվածքաբլիթ «2-ը 1-ում» խմորով: Այս բաղադրատոմսը դարձել է իմ ամենասիրելիներից մեկը:

Սա ունիվերսալ թխվածքաբլիթ է, որը պատրաստվում է ամենամատչելի մթերքներից:

Պարզ թխվածքաբլիթ. Անհրաժեշտ բաղադրիչները

_ կարագ 250 գ

_ շաքարավազ 80 գ

_ ձու 3 հատ

_ 1 պտղունց աղ

_ վանիլին

_ խմորիչ 1 տուփ

_ ջուր 80 մլ

_ ալյուր՝ մոտ 550 գ

Պարզ թխվածքաբլիթ. Պատրաստման եղանակը

_ Տաք ջուրը խառնել շաքարավազի և խմորիչի հետ։

_ Փափկած կարագին խառնել աղ և շաքարավազ, հարում ենք հարիչով մինչև փարթամ դառնալը։

_ Հերթով ավելացնել ձվերը և ամեն անգամ լավ հարել։

_ Խմորիչով ջուրը լցնել և հարել։

_ Ալյուրը մաղել և աստիճանաբար ավելացնել զանգվածին։

Հուշում. ձեզ կարող է անհրաժեշտ լինել մի փոքր կամ ավելի շատ ալյուր, քան բաղադրատոմսում նշված ծավալը: Պարզապես նայեք խմորին, այն պետք է լինի շատ փափուկ և ճկուն, եթե այն հագեցնեք ալյուրով՝ շատ ձիգ կդառնա և լավ չի բարձրանա։

_ Խմորի շերտը գրտնակել մինչև 5-6 մմ հաստությամբ և կտրատել կամայական կտորներով, որոնք տեղափոխում ենք յուղաթղթով պատված ջեռոցի տապակի վրա։

_Վրան շաղ տալ շաքարավազ։

_ Թխել 180 աստիճանով մոտ 15-20 րոպե, մինչև ոսկե դարչնագույնը:

Ստացվում է փարթամ, խրթխրթան կեղևով թխուկ, որը կարող եք ավելի օրիգինալ դարձնել, եթե վրան ցանեք քնջութի սերմեր, մանրացրած ընկույզներ կամ խմորին ավելացնեք կիտրոնի քերուկ։

Բարի ախորժակ:

Տեսանյութ

Պեչենիներ այսինգով