Պարզ խնձորով տորթ պատրաստելու համար անգամ խմոր շաղախելու կարիք չի լինի:
Նախաճաշի և կեսօրվա խորտիկի լավագույն և արագ թխվածքների բաղադրատոմսերից մեկը: Կարկանդակը ստացվում է քիչ քանակությամբ խմորով, բայց բուրավետ ու հաստ խնձորի շերտերով։
Պարզ խնձորով տորթ. Անհրաժեշտ բաղադրիչները
_սպիտակաձավար 160 գ
_ ալյուր 130 գ
_ շաքարավազ 180 գ
_ փխրեցուցիչ 1 թեյի գդալ
_ խնձոր 4 հատ
_ կիտրոնի հյութ 2 ճաշի գդալ
_ կաթ 200 մլ
_ կարագ 50 գ
Պարզ խնձորով տորթ. Պատրաստման եղանակը
_Տորթը պատրաստելու համար օգտագործեք մոտ 20 — 30 սմ տրամագծով կաղապար:
_ Մաղած ալյուրը խառնել շաքարավազի, սպիտակաձավարի և փխրեցուցիչի հետ, զանգվածը լավ խառնել։
_ Այս չոր զանգվածը հավասար քանակությամբ բաժանել 4 բաժակի։
_Քերել խնձորները խոշոր քերիչով, խառնել կիտրոնի հյութի հետ, ապա բաժանել 3 մասի։
_ Ձևամանը ծածկել յուղաթղթով և չոր խառնուրդի առաջին բաժակը լցնել հատակին, հարթեցնել։
_ Լցնել միջուկի մի մասը, հարթեցնել։
_ Չոր խառնուրդի երկրորդ մասով ծածկել միջուկը։
_ Այսպես հավաքել ամբողջ տորթը, վերին շերտին չոր խառնուրդը լցնելով:
_ Տաք կաթը խառնել փափկած կարագի հետ։
_ Տորթի վրա փայտե շամփուրով անցքեր անել, կաթի ու կարագի խառնուրդը լցնել վրան։
_Թխել 180 աստիճանով մոտ 45 րոպե, բայց նայեք ձեր ջեռոցին։
_ Տորթը հովանալուց հետո շաքարի փոշի ցանեք և մատուցեք։
Նուրբ, քաղցր, շատ բուրավետ խմորեղենը, հիանալի և գեղեցիկ տեսք ունի կտրված վիճակում։
Բարի ախորժակ:
Տեսանյութ
Տորթ թագավորական դուետ