Պարզ Նապոլեոն. Այնքան հեշտ է պատրաստվում որ կթխեք թեկուզ ամեն օր

Պարզ Նապոլեոն. Դասական տորթից ավելի լավ է ստացվում:

Աշխարհում քիչ մարդիկ կան, ովքեր չեն սիրում տորթեր։ Նույնիսկ քաղցրեղենի առումով համոզված թերահավատները որոշակի ոգևորությամբ են մոտենում այս դեսերտին։ Հրուշակեղենի արվեստի ցանկացած գիտակի համար անպայման տորթի տեսակ կա:

Նախկինում տորթեր պատրաստելու համար օգտագորոծում էին թրջած հատիկներ, իսկ կրեմի և լցոնման համար վերցնում էին մեղր, ընկույզ, մրգեր ու հատապտուղներ:

Այժմ տորթերի պատրաստման հարցում ամեն ինչ շատ ավելի հեշտ է դարձել։ Բավական է վերցնել խոհանոցային պարագաներ և անհրաժեշտ մթերքներ՝ գայթակղիչ տորթ թխելու համար։

Պարզ Նապոլեոն. Բաղադրիչները

_ ջուր — 180 մլ

_ սպիտակ շոկոլադ — 100 գ

_ կարագ — 255 գ

_ կաթ — 600 մլ

_ ալյուր — 110 գ

_ օսլա — 50 գ

_ հավի ձու — 6 հատ

_ շաքարավազ — 150 գ

_ աղ — 1/4 թեյի գդալ

Պարզ Նապոլեոն. Պատրաստման եղանակը

_ Աղ արած ջրով կաթսայի մեջ հալեցնել 75 գրամ կարագը։ Ալյուրը լցնել հալած կարագի մեջ, խմորը բահիկով շաղախել։

_ Կաթսայի մեջ թույլ կրակի վրա թող խմորը չորանա, ապա թողեք սառչի։

_ Սառած խմորի մեջ կոտրել 4 ձու, խառնել և ստանալ կպչուն թանձր խտություն։

_ Յուղաթղթի վրա չափել ձևի տրամագիծը (20 սմ):

_ Խմորը լցնել հրուշակեղենի տոպրակի մեջ և դրանով նույն տրամագծով շրջան գծել, շրջանակի ներսում խմորից մանր ցանց անել։

_ Ջեռոցը տաքացնել 210 աստիճան, 4 շերտ թխել, յուրաքանչյուրը մոտ 10 րոպե։

_ Այժմ ձուն խառնել օսլայի և շաքարավազի հետ։ Զանգվածին ավելացնել կաթ և եփել կաթսայի մեջ, մարմանդ կրակի վրա, մինչև թանձրանա։

_ Սպասել, որ զանգվածը սառչի, այդ ընթացքում հարել 180 գրամ կարագը, մինչև փարթամ գագաթներ ձևավորվեն։

_ Կրեմը միացնել կարագին, հարել հարիչով։

_ Սպիտակ շոկոլադը հալեցնել ջրային բաղնիքում, բարակ հոսքով լցնել տորթի շերտերի վրա։

_ Բոլոր շերտերին քսել կրեմ և հավաքել տորթը։

_ Շերտերի մնացորդները բլենդերով տրորել փշրանքների նման։

_ Տորթի կողքերը պատել կրեմով և ցանել փշրանքներով։

Ստացվում է անսովոր տորթ՝ առատ ու համեղ կրեմով։

Սա հիանալի տարբերակ է քաղցրասերների համար, ովքեր բիսկվիթներ չեն սիրում:

Բարի ախորժակ:

Տեսանյութ

Նապոլեոն տորթ