Ռուլետ հալվայով. Սա թեթև աղանդեր է, որ մանկությունն է հիշեցնում: Անհավատալի նուրբ, չափավոր քաղցր, տոնական, գեղեցիկ, այն դուր կգա ընտանիքի յուրաքանչյուր անդամի: Իսկ վերևում ցանված պիստակներն անսպասելի և շատ հաջող լրացում են:
Հալվայով ռուլետ պատրաստելիս հիմնական գաղտնիքն այն է, որ թխվածքը ներծծվի բոլոր համերով: Ամենակարևորն այն է, որ բաղադրատոմսն անասելի պարզ է և շատ ժամանակ չի պահանջում:
Ռուլետ հալվայով. Անհրաժեշտ բաղադրիչները
_Ձու 4 հատ
_Շաքար 125 գ
_Ցորենի ալյուր 125 գ
_Փխրեցուցիչ 10 գ
_Ջուր 4 ճաշի գդալ
_Հալվա 250 գ
_Կարագ 200 գ
_Եփած խտացրած կաթ 3 ճաշի գդալլ
_Սև շոկոլադ 200 գ
_Պիստակ՝ ըստ ճաշակի
_Աղ՝ ըստ ճաշակի
Ռուլետ հալվայով. Պատրաստման եղանակը
_Հարել 4 ձվի դեղնուցը շաքարավազով մինչև համասեռ դառնա: Ջուր ավելացնել հարելու ընթացքում:
_Ձվի սպիտակուցներն ու աղը առանձին հարել մինչև փրփրելը: Շաքարավազը աստիճանաբար ավելացնել այդ զանգվածին:
_Այնուհետև խառնել սպիտակուցային և դեղնուցային զանգվածները:
_Ալյուրը փխրեցուցիչի հետ միասին մաղելով խառնել:
Ջեռոցի տապակը յուղաթղթով ծածկել և խմորը հավասարապես տարածել վրան:
_Ջեռոցը տաքացնել 180 °C ջերմաստիճանում և թխել ռուլետի հիմքը 12 րոպե: Հիմքը շրջել կտորի վրա և հանել յուղաթուղթը:
_Ոլորել գլանափաթեթը և թողնել 15 րոպե:
_Այդ ընթացքում հարել փափկեցրած կարագը, ավելացնել խտացրած կաթը և կրկին հարել:
_Մանրացնել հալվան և ավելացնել կարագի զանգվածին, հարել, մինչև համասեռ կրեմի աստիճան:
_Բացել խմորի գլանափաթեթը և քսել դրա ներսի մասում ստացված կրեմը, կրկին ոլորել:
Թողնել սառնարանում 2,5 ժամ:
_Հալեցնել շոկոլադը և լցնել ռուլետի վրա, զարդարել պիստակով և թողնել, որ շոկոլադը սառչի:
Հալվայով ռուլետը կարելի է զարդարել այլ կերպ՝ մանրացրած ընկույզով, սպիտակ շոկոլադի քերուկով, հատապտուղներով կամ մրգի շերտերով:
Ռուլետը հալվայով պատրաստ է:
Բարի ախորժակ
Տեսանյութ
Ամենահեշտ ռուլետը
