Քնքուշ Ռուլետ սերուցքային կրեմով. Այս բաղադրատոմսը ձեր փրկությունն է, եթե ընկերները մեկ ժամից գան, իսկ թեյի համար ոչինչ չկա։ Վստահորեն պատրաստեք և անպայման կլսեք հաճոյախոսություններ: Սերուցքային կրեմով ռուլետն անկասկած, դուր կգա բոլոր հյուրերին:
Նման նրբությունն անհամեմատելի համ ունի։ Հավատացեք ինձ, փափուկ, եթերային թխվածքը և խտացրած կաթով պատրաստված կրեմի համադրությունը ոչ մեկին անտարբեր չեն թողնի։
Կրեմի խտությունը ուղղակիորեն կախված է սերուցքի որակից։ Այն պետք է թանձր լինի: Եթե ձեր կրեմը շատ ջրիկ է ստացվել, ապա դրան ավելացրեք 100-150 գ շաքարի փոշի։ Այս կերպ դուք կարող եք հասնել ցանկալի կառուցվածքի:
Քնքուշ Ռուլետ սերուցքային կրեմով. Անհրաժեշտ բաղադրիչներ
_Ձու 4 հատ
_Աղ 1 պտղունց
_Շաքարավազ 100 գ
_Վանիլին ըստ ճաշակի
_Արևածաղկի ձեթ 30 գ
_Նարնջի կեղևի քերուկ 50 գ
_Կիտրոնի հյութ 30 մլ
_Ցորենի ալյուր 100 գ
_Փխրեցուցիչ 5 գ
_Սերուցքային պանիր 250 գ
_Խտացրած կաթ 100 գ
_Սերուցք 200 գ
Քնքուշ Ռուլետ սերուցքային կրեմով. Պատրաստման եղանակը
_Սպիտակուցներն առանձնացնել դեղնուցներից։
_Սպիտակուցներին աղ ավելացնել և հարել։ Աստիճանաբար ավելացնելով շաքարավազը` շարունակելով հարել մինչև ամուր գագաթների ձևավորումը:
_Զգուշորեն ավելացնել դեղնուցները ձվի սպիտակուցի ամանի մեջ, հարել:
_Ավելացնել նարնջի կեղևի քերուկը և կիտրոնի հյութը, խառնել բոլոր բաղադրիչները։
_Ավելացնել արևածաղկի ձեթ և վանիլին։
_Ավելացնել մաղած ալյուրը և փխրեցուցիչը։ Ամեն ինչ հարել հարիչով։
_Պատրաստի խմորը լցնել յուղաթղթով պատված տապակի վրա։
_Հարթեցնել սիլիկոնե բահիկով և 10 րոպեով դնել նախապես 180 աստիճան տաքացրած ջեռոցում։
_Թխվածքաբլիթը փաթաթել խողովակի նման՝ օգտագործելով խոհանոցային սրբիչ։
_Խորը ամանի մեջ խառնել սերուցքային պանիրն ու խտացրած կաթը։
_Հարել դրանք հարիչով։
_Ավելացնել սառը սերուցքը 33% յուղայնությամբ: Կրկին հարել ամեն ինչ:
_Բացել թխվածքաբլիթը: Վրան քսել սերուցքային կրեմը։
_Ռուլետը փաթաթել յուղաթղթով և դնել սառնարանում մեկ ժամով։
_Սառելուց հետո որպես ռուլետի զարդարանք կարող եք օգտագործել սպիտակ շոկոլադ։ Պետք է հալեցնել այն, լցնել հրուշակեղենի տոպրակի մեջ և ռուլետի վրա նախշեր գծել։
_Այնուհետև պատրաստի ռուլետը դնել սառնարանում ևս 20 րոպեով։
Բարի ախորժակ!
Տեսանյութ
Ռուլետ 3 բաղադրիչից