Թարմ բուրավետ սալորով կարկանդակի պարզ բաղադրատոմսը կատարյալ է ընտանեկան թեյի երեկոյի համար: Այն և շատ գեղեցիկ է, և շատ հյութեղ:
Ավելի համեղ կլինի, եթե կարկանդակը թխեք քաղցր, այլ ոչ թե թթվաշ սալորով:
Սալորով կարկանդակ. Անհրաժեշտ բաղադրիչներ
4 բաժնի համար
_Ցորենի ալյուր 270 գ
_Սեղմված խմորիչ 15 գ
_Շաքարավազ 50 գ
_Կաթ 125 մլ
_Ձու 1 հատ
_Կարագ 50 գ
_Սալոր 800 գ
_Շաքարավազ՝ ըստ ճաշակի
_Աղացած դարչին՝ ըստ ճաշակի
Սալորով կարկանդակ. Պատրաստման եղանակը
_Տաք կաթին ավելացնել շաքարավազն ու խմորիչը, ծածկել սննդային թաղանթով և թողնել 10-15 րոպե։
_Ավելացնել ձուն, կարագը, ալյուրը և խառնել, մինչև հարթ, համասեռ խմոր ստացվի։
_Խմորը մանրակրկիտ հունցել, գնդի ձև տալ, նորից դնել ամանի մեջ և ծածկել սննդային թաղանթով։
_Խմորը դնել տաք տեղ և թող 1,5 ժամ բարձրանա։
_Հասունացած խմորը գրտնակել, զգուշորեն տեղավորել ձևամանի մեջ:
_Սալորը մեջտեղից կիսել, կորիզները հանել։ Սալորի կեսերը դասավորել խմորի վրա։
_Ձևամանի պարունակության վրա ցանել դարչինի և շաքարավազի խառնուրդ։
_Կարկանդակը թխել նախապես 180 C տաքացրած ջեռոցում 45-50 րոպե։
Հյութեղ և նուրբ Սալորով կարկանդակը պատրաստ է:
Բարի ախորժակ: