Սերուցքային աղանդեր նարինջով. Համեղ, անուշաբույր և հյութալի

Սերուցքային աղանդեր նարինջով. Այս աղանդերը պատրաստելիս կարող եք շատ տարբեր ցիտրուսային մրգեր ավելացնել:

Թարմ քամած նարնջի հյութը լավ համադրվում է կրեմի հետ:

Սերուցքային աղանդեր նարինջով. Անհրաժեշտ բաղադրիչներ

_Նարինջ 1-1,1 կգ կամ 0,5 լ նարնջի հյութ

_Սերուցք 250 գ

_Ժելատին 30 գ

_Շաքար 60-80 գ

_Եռացրած սառը ջուր 200 մլ

Սերուցքային աղանդեր նարինջով. Պատրաստման եղանակը

_Սկզբի համար ժելատինը լուծել սառը եռացրած ջրի մեջ: Մանրակրկիտ խառնել և թողնել, որ ուռչի:

_Այդ ընթացքում նարինջները մեջտեղից կիսել և քամել թարմ  հյութը: Այս բաղադրատոմսով կարող եք օգտագործել ցանկացած ցիտրուսային հյութ:

_Հաջորդը, կաթսայի մեջ լցնել սերուցքը, վրան ավելացնել շաքար, ուռած ժելատինը և կես բաժակ նարնջի հյութ:

_Կաթսան դնել գազօջախին, մարմանդ կրակով և սպասել, մինչև ժելատինն ամբողջությամբ լուծվի:

_Վերցնել այն ամանները որոնցում մատուցելու եք աղանդերը և դրանց մեջ կիսով չափ լցնել սերուցքը:

_Ձևամանները դնել սառնարանում, մինչև սերուցքային ժելեն պնդանա:

_Մինչ զանգվածը սառչում է, նարնջի հյութը լցնել կաթսայի մեջ, ավելացնել ուռած ժելատին և շաքար:  Կաթսան դնել  վառարանի վրա և սպասել, որ ժելատինը հալվի:

_Սառնարանից հանել ամանները, վրան լցնել նարնջի շերտը և կրկին դնել սառնարանը, որ սառչի:Որոշ ժամանակ անց հանել, սերուցքը լցնել վերջին շերտով և թողնել աղանդերն ամբողջովին սառչի: Զարդարել այնպես, ինչպես ցանկանում եք:

Այս աղանդերը ոչ մեկին անտարբեր չի թողնի: Այն այնքան հյութեղ է, անուշաբույր, ախորժաբեր, որ պարզապես համից չեք կշտանա:

Սերուցքային աղանդերը նարինջով պատրաստ է:

Բարի ախորժակ:

Տեսանյութ

Ցիտրուսային աղանդեր