Սպիտակաձավարով կարկանդակ. Պարզ մթերքներով կարող եք պատրաստել բերանում հալչող համեղ թխվածք

Վստահ եմ, որ խոհանոցում ունեք այն մթերքները, որ պետք են Սպիտակաձավարով կարկանդակ թխելու համար:

Քերած գազարին ավելացնում ենք սպիտակաձավար ու թխում ենք )

Հավանաբար յուրաքանչյուր երեխա գիտի սպիտակաձավարի շիլայի մասին։ Այն կարելի է սիրել, կամ ատել: Սակայն այս նախաճաշի նկատմամբ դժգոհության մեծ մասն առաջացել է գնդիկների պատճառով, որոնք առանձնապես չեն հավանել երեխաներին։

Բացի շիլայից, այս մթերքից կարելի է պատրաստել մեծ քանակությամբ այլ ուտեստներ։ Օրինակ, կարկանդակներ, որոնք փարթամ ու բուրավետ են ստացվում։

 

Սպիտակաձավարով կարկանդակ. Բաղադրիչներ

_ գազար — 200 գ

_ կիտրոն — 1 հատ

_ սպիտակաձավար — 180 գ

_ վանիլային շաքար — 1 թեյի գդալ

_ ձու — 2 հատ

_ շաքարավազ — 100 գ

_ մածուն — 250 մլ

_ աղ — մի պտղունց

_ փխրեցուցիչ — 1,5 թեյի գդալ

Սպիտակաձավարով կարկանդակ. Պատրաստման եղանակը

_ Հարկավոր է սպիտակաձավարը միացնել մածունի հետ, լավ խառնել։ Խառը մթերքները թողնել 15 րոպե։

_ Այդ ընթացքում գազարը մաքրել, մանր քերիչով անցկացնել, ավելացնել սպիտակաձավարով զանգվածին, խառնել։

_Առանձին ամանի մեջ կոտրել ձվերը, լցնել վանիլային ու սովորական շաքարավազը, աղը։

_ Հարել մթերքները մինչև սպիտակ փրփուր ստացվի: Ձվի զանգվածին ավելացնել փխրեցուցիչը, մանրակրկիտ խառնել։

_ Այժմ ձվի զանգվածն ավելացնել սպիտակաձավարով խմորի մեջ։ Կիտրոնի քերուկը ավելացնել ընդհանուր զանգվածին, միատարր խմոր շաղախել։

_ Թխելու կաղապարը (22 սմ տրամագծով) յուղել կարագով, պատրաստված խմորը լցնել մեջը։

_ Ջեռոցը տաքացնել մինչև 180 աստիճան, թխել տորթը 45 րոպե։

Այս գազարի համով կարկանդակը շատ անսովոր է:

Հիանալի է այն մարդկանց համար, ովքեր հոգնել են սովորական թխվածքներից:

Բարի ախորժակ:

Տեսանյութ

Գազարով տորթ