Տնական Բեյլիզ. Վանիլի և սերուցքի գլխապտույտ բույր, սուրճի և կարամելի անմոռանալի համ
Գեղեցիկ սեռի ո՞ր ներկայացուցիչը կհրաժարվի այս իռլանդական լիկյորից:
Բեյլիզը սերուցքային առաջին լիկյորն է, այն հայտնվել է դեռ 1974 թվականին: Սովորաբար, այս քաղցր ըմպելիքը մատուցվում է ճաշկերույթներից հետո, մարսողության պրոցեսի դյուրացման համար: Բեյլիզը շատ լավ համակցվում է սուրճի կամ պաղպաղակի հետ:
Ավանդաբար, իռլանդական սերուցքային լիկյորը պատրաստվում է վիսկիից և սերուցքից: Իհարկե, այժմ այն կարող եք գնել ցանկացած խանութում: Բայց, հաշվի առնելով այն փաստը, որ ժամանակի ընթացքում ավելի ու ավելի շատ կեղծիքներ են հայտնվում, արժե փորձել տանը լիկյոր պատրաստել: Սա ձեզնից շատ ժամանակ չի պահանջի:
Տնական Բեյլիզ. Անհրաժեշտ բաղադրիչները
- Կոնյակ 100 մլ
- Սերուցք 300 մլ
- Շաքարավազ 1 բաժակ
- Վանիլային շաքար 11 գ
- Սուրճ 1 ճաշի գդալ
Տնական Բեյլիզ. Պատրաստման եղանակը
- Կաթսայի մեջ խառնել սերուցքն ու շաքարավազը և դնել միջին կրակի վրա: Աստիճանաբար սերուցքը կսկսի բարձրանալ՝ «գլխարկ» կազմելով:
- Սերուցքին ավելացնել սուրճ և վանիլային շաքար, խառնուրդը ծածկել կափարիչով և մեկ ժամ թողնել սառչի, թանզիֆով քամել, որպեսզի խմիչքը միատարր լինի:
- Ավելացնել կոնյակ և մատուցելուց առաջ սառնարանում լավ սառեցնել:
Մատուցել լիկյորը հարմար բաժակով: Վրան կարող եք ցանել կակաոյի փոշի կամ քերած շոկոլադ, ավելացնել սառույցի խորանարդիկներ: Մեկ այլ գաղտնիք. Բեյլիզը լավ է համադրվում բանանի հետ:
Տնական լիկյորն, ըստ այս բաղադրատոմսի, ստացվում է ոչ պակաս համեղ, քան խանութից գնվածը: Հաճույք պատճառեք ինքներդ ձեզ աստվածային խմիչքով և մի մոռացեք այդ մասին պատմել ձեր ընկերներին:
Տնական Բեյլիզը պատրաստ է:
Բարի ախորժակ
Տեսանյութ
Համեղ թխվածք պատրաստեք նուրբ խմիչքի հետ որպես աղանդեր
