Այսօր կթխենք շոկոլադե Տորթ Բազմերանգ. Շատ համեղ տորթը կոկոսով, շոկոլադով և ընկույզով, եթերային կրեմով կարող է զարդարել ցանկացած ընկերախմբի հավաքույթ։
Այս տորթի հիմնական շեշտը դրվել է տարբեր երանգներով բիսկվիթներ թխելու վրա: Դրա շնորհիվ այն շատ գեղեցիկ ու գայթակղիչ է ստացվում:
Դե ինչ, եկեք շերտերը թխենք հերթով:
Տորթ Բազմերանգ. Անհրաժեշտ բաղադրիչները
Սպիտակ շերտը թխելու համար.
— ձու 3 հատ
— շաքարավազ 3 ճաշի գդալ
— ալյուր 3 ճաշի գդալ
— փխրեցուցիչ 1 թեյի գդալ
Շոկոլադե շերտը թխելու համար.
— ձու 4 հատ
— շաքարավազ 6 ճաշի գդալ
— ալյուր 2 ճաշի գդալ
— կակաո 2 ճաշի գդալ
— փխրեցուցիչ 1 թեյի գդալ
Կոկոսով շերտ թխելու համար.
— սպիտակուց 5 հատ
— շաքարավազ 1 բաժակ
— օսլա 2 ճաշի գդալ
— կիտրոնի հյութ 4 ճաշի գդալ
— կոկոսի փաթիլներ 200 գ
Ընկույզով շերտը թխելու համար
— սպիտակուց 5 հատ
— շաքարավազ 200 գ
— մեղր 1 ճաշի գդալ
— ալյուր 1 ճաշի գդալ
— օսլա 1 ճաշի գդալ
— ցանկացած մանրացված ընկույզ 200 գ
Կրեմը պատրաստելու համար.
— կաթ 800 մլ
— դեղնուց 10 հատ
— ալյուր 3 ճաշի գդալ
— օսլա 3 ճաշի գդալ
— շաքարավազ 15 ճաշի գդալ
— կարագ 400 գ
— կակաո 2 ճաշի գդալ
— արքայախնձորի շերտ 2 ճաշի գդալ
— դեղձը կտորներով 2 ճաշի գդալ
Տորթ Բազմերանգ. Պատրաստման եղանակը
_Սպիտակ շերտի համար հարել ձվի սպիտակուցը մինչև պնդանա:
_ Դեղնուցները միացնել շաքարավազի հետ և հարել այնքան, մինչև շաքարն ամբողջությամբ լուծվի։
_ Սպիտակուցի զանգվածը լցնել դեղնուցի զանգվածի մեջ և նրբորեն խառնել բահիկով։
_ Ալյուրը միացնել փխրեցուցիչի հետ և մաղելով, մաս-մաս ավելացնել խմորին և լավ խառնել։
_ Ձևամանը յուղել, խմորը լցնել մեջը։
_ Ջեռոցը տաքացնել 180 աստիճանով և թխել մինչև եփվի (ստուգեք փայտիկով)։
_ Շոկոլադե շերտի համար ձվերը հարել շաքարավազի հետ, ավելացնել մաղած ալյուրը, կակաոն և փխրեցուցիչը։ Խառնել և լցնել յուղած կաղապարի մեջ, թխել նույն կերպ, ինչպես առաջին շերտը:
_ Կոկոսի շերտի համար սպիտակուցները միացնել շաքարավազի հետ և հարել մինչև կայուն փրփուր ստացվի:
_ Ալյուրը, օսլան խառնել և մաղել, լցնել սպիտակուցային զանգվածի մեջ, շաղախել խմորը և ավելացնել կիտրոնի հյութն ու կոկոսի փաթիլները։
_ Խմորը լցնել կարագով յուղած կաղապարի մեջ և թխել ինչպես նախորդ շերտերը։
_ Ընկույզով շերտի համար սպիտակուցները միացնել շաքարավազի հետ, լավ հարել, ապա ավելացնել մեղրը, օսլան և մանր կտրատած ընկույզը։ Նույն եղանակով թխել շերտը։
_ Կրեմի համար խառնել բոլոր բաղադրիչները, բացի կարագից, արքայախնձորից, կակաոյից և դեղձից, խառնել և թանձր կրեմ պատրաստել, թողնել հանգստանա:
_ Կրեմի մեջ ավելացնել փափկած կարագը և հարել մինչև փարթամանա:
_ Կրեմը բաժանում ենք 3 մասի, մեկը խառնում ենք կակաոյի, երկրորդը՝ արքայախնձորի, երրորդը՝ դեղձի կտորների հետ։
Տորթ Բազմերանգը ձևավորել ըստ ցանկության, վրան լցնել քերած շոկոլադ կամ գլազուր։
Բարի ախորժակ:
