Այսօր կպատրաստենք հերթական համեղ քաղցր տորթ իրիսկա, ամենահաջողված բաղադրատոմսը կներկայացնեմ։
Տորթ Իրիսկա Բաղադրիչներ
Խմոր
_Ձու — 5 հատ
_Շաքարավազ — 2 բաժակ
_Մեղր — 2 ճ․ գդ․
_Կաթ — 100 մլ
_Կարագ — 100 գր․
_Ալյուր — 3 բաժակ — 600 գր․
_Փխրեցուցիչ — 2 թ․գդ․
_Կակաո — 3 լիքը թեյի գդալ
Կրեմ
_Կարագ — 200 գր․
_Եփած խտացրած կաթ — 2 տուփ
_Վանիլի փոշի մեկ պտղունց
Ինչպես պատրաստել Տորթ Իրիսկա
_Սկսենք խմորը պատրաստել
_Կոտրենք 5 ձուն տարայի մեջ սկսենք հարել, մի փոքր փրփեց վրան քիչ-քիչ ավելացնենք շաքարավազը երկու բաժակ և շարունակենք հարել
_Երկու լիքը թեյի գդալ մեղր կլցնենք և կհարենք
_Կաթ լցնենք կես բաժակ
_Ավելացնենք կես տուփ կարագ 100 գրամ
_Կարագը սենյակային ջերմաստիճանի արդեն փափկած որպեսզի հեշտ հարվի
_Ալյուրի մի մասը մոտ 400 գրամ լցնենք մաղի մեջ
_Ավելացնենք վրան 2 թեյի գդալ փխրեցուցիչ
_Մաղենք այն խմորի մեջ մաղելն պարտադիր է թթվածնով թխվածքը հագեցնելու համար
_Հարենք մի փոքր ավելացնենք նաև ալյուրի 3-րդ բաժակը հարենք
_Խմորի մեջ ավելացնելու ենք նաև 3 թեյի գդալ կակաո մաղելով
_Սա էլ լուծենք խմորի մեջ
_Պետք է ստացվի ահա այսպիսի խտության խմոր
_Արդեն կարող ենք նախապատրաստել թխելու
_Ուղղանկյունաձև տապակի մեջ յուղաթուղթ փռենք
_Ամբողջ խմորը թխելու ենք երեք շերտով
_Աչքաչափով բաժանենք 3 մասի և յուրաքանչյուր մասը հերթով լցնենք տապակի մեջ տարածենք և ուղարկենք տաք ջեռոց 180 աստիճանում թխվելու մոտ 10 րոպե
_Երեք շերտն էլ հաջողությամբ թխեցինք, յուղաթուղթն էլ հեռացրեցինք
_Դնենք մի կողմ մինչև մի փոքր հովանա մենք էլ կրեմը այդ ընթացքում կպատրաստենք
_Մեկ տուփ կարագը 200 գրամանոց փափկած պետք է հարենք
_Լավ սպիտակեցնենք լուծենք
_Կես թեյի գդալ վանիլին կլցնենք
_Ավելացնենք երկու բանկա եփած խտացրած կաթ 400-500 գրամ, կախված է թե ինչ ֆիրմայից կվերցնեք
_Պարտադիր է խտացրած կաթը եփված լինի, որպեսզի ստանանք այդ կարամելային իրիսի համը
_Լավ հարեցինք, կրեմը ստացանք
_Խմորները պատրաստ են, կրեմը նույնպես
_Սկսենք հավաքել
_Խմորի վրա առատ շերտով կրեմ քսենք
_Կրեմը աչքաչափով բաժանենք 3 մասի և այդ սկզբունքով տարածենք
_Վրայի շերտին նույնպես կրեմ քսենք
_Կարելի է հենց այսպես էլ թողնել, բայց ես մի քանի հատ իրիս կոնֆետ կքերեմ վրան, կարամել էլ կծորացնեմ մի փոքր առավել հարուստ տեսք տալու համար
_Ցանկալի է սառնարանում թողնել մի քանի ժամ նոր կտրել, բայց ես հենց հիմա էլ կկտրեմ
_Տեսեք ինչ փափուկ ախորժելի և համեղ տեսք ունի մեր տորթ իրիսկան, որն ուղղակի հալվում է բերանում
_Ամենահաջողված բաղադրատմոսն է տորթ իրիսկայի, անպայման փորձեք, համտեսեք և ձեր կարծիքը գրեք տեսանյութի տակ
_Կսպասեմ։
Դե ինչ, բարի ախորժակ։
