Այսօր կթխենք նրբագույն փափուկ և համեղ տորթ Լակոմկա, շատ էիք գրում, որ ներկայացնեմ պատրաստման իմ բաղադրատոմսը։
Տորթ Լակոմկա Բաղադրիչներ
Լակոմկա Խմոր
_Ձու — 4 ձու
_Խտացրած կաթ — 2 բանկա
_Կարագ — 200 գր․ հալեցնել
_Սոդա — 6 գր․ կամ փխրեցուցիչ 8 գր․
_Ալյուր — 315 գր․
_Կակաո- 65 գր․
_Վանիլին
Լակոմկա Կրեմ
_Կաթ — 400 մլ․
_Շաքարավազ — 70 գր․
_Ձու — միայն դեղնուց — 1 հատ
_Ալյուր — 1 ճ․ գդ․
_Եգիպտացորենի օսլա — 1 ճ․ գդ․
_Վանիլին
_Սերուցք բարձր յուղայնության — 200 մլ․
_Խտացրած կաթ — 200 գր․
Տորթ Լակոմկա Քայլ առ Քայլ
_Սկսենք խմորի փոշի բաղադրիչները իրար խառնելուց
_Կակաո պետք է ավելացնենք 65-70 գրամ
_Փխրեցուցիչ կամ մի փոքր ավելի քիչ չափով սոդա կլցնենք մոտավորապես 7-8 գրամ
_Մեկուկես բաժակ ալյուր կլցնենք
_Խառնենք այս փոշի զանգվածը
_Դնենք առայժմս մի կողմ, անցնենք հեղուկ բաղադրիչներին
_4 ձու կօգտագործենք, սենյակային ջերմաստիճանի
_Սովորաբար թխվածքի հաջող ստացվելու նրբություն է, բոլոր բաղադրիչները պետք է լինեն նույն ջերմաստիճանի, այսինքն թխելուց մեկ ժամ առաջ բոլորը դրեք սեղանին սենյակային ջերմաստիճանում
_Վրան կավելացնենք 2 բաժակ խտացրած կաթ 400 գր․
_Անգամ հարիչ չենք օգտագործելու այս հեշտ խմորն պատրաստելուց
_200 գրամ համեղ կարագ ենք օգտագործելու
_Կարագը հալեցնենք և ավելացնենք մեր զանգվածին
_Այժմ փոշի բաղադրիչների հերթն է․ պետք է պարտադիր մաղելով լցնենք, որ ավելի ծակոտկեն թխվածք ստանանք
_Խմորն արդեն պատրաստ է
_Իմ տապակի տրամագիծը 26 սմ է
_Այդ տրամագծով շրջանագիծ տանենք յուղաթղթի վրա կողմնորոշման համար
_Խմորը շատ փափուկ է և հարմար ահա այսպես այն շրջանաձև տարածելու համար
_Պետք է թխենք 8 շերտ
_Շերտերը շատ արագ են թխվում ուղիղ 6 րոպեն բավարար է 200 աստիճանում թխվելու համար
_Հանեցինք իրար ետևից, յուղաթուղթը հեռացրեցինք․ վերջ շերտերը թխված են անցնենք կրեմին
_1 ճաշի գդալ եգիպտացորենի օսլա ենք լցնում կաթսայի մեջ
_Ավելացնում 1 ճաշի գդալ ալյուր
_5 ճ․ գդալ շաքարավազ ենք ավելացնում
_1 ձվի դեղնուց
_Կրեմի համար մեզ պետք է նաև համեղ կաթ 2 բաժակ
_Սա էլ ավելացնենք և դնենք մարմանդ կրակին եփելու, շարունակ պետք է խառնենք
_Ընդ որում կամ սիլիկոնե կամ փայտե գդալով, որպեսզի գույնը չփոխի կրեմը
_Անընդմեջ խառնելն էլ օգնում է խուսափել գնդիկների առաջացումից
_Արդեն պնդացավ, վերջ վերցնում ենք կրակից
_Թողնում որ լավ սառի
_Այդ ընթացքում պետք է հարենք սերուցքը
_Կարևոր է, որ սերուցքանման խառնուրդ չվերցնեք, ուշադիր եղեք
_Այս անգամ չգտա Պարմալատի սերուցքը, որը սովորաբար օգտագործում եմ, վերցրել եմ կրկին համեղ և պարտադիր բարձր 35% յուղայնությամբ սերուցք Պրեզիդենտ ֆիրմայից՝ համեղ է և կարևորը բնական մթերք է
_Օգտագործելու ենք սառը վիճակում 1 բաժակ
_Սկսենք հարել, սկզբում դանդաղ արագությամբ, հետո լավ արագ, փրփրեց պնդացավ
_Ավելացնելու ենք 1 բանկա խտացրած կաթ
_Հարեցինք միասեռ դարձավ
_Այժմ գդալ գդալ ավելացնենք մեր եփովի կրեմն և շարունակենք հարել
_Կրեմն արդեն պատրաստ է, շերտերը կարելի է հավաքել
_Խմորի շերտին հաջորդում է կրեմը, ապա խմորը, ապա՝ կրեմը, վրան խմորը․ այդպես վերջին շերտը կրեմն է
_Դնենք տորթը մի կողմ թող սառի
_Այդ ընթացքում կպատրաստենք կարամելը վրայի շերտի համար
_150 գրամ շաքարավազը դնում ենք մարմանդ կրակին որպեսզի հալվի
_Հալվեց վրան արդեն պետք է ավելացնենք 120 գրամ սերուցք
_1 րոպե խառնելուց հետո հանենք կրակից
_Քանի դեռ տաք է, վրան դնենք 30 գրամ կարագ հալվեց
_Դնում ենք մի կողմ սառելու, որպեսզի տաք վիճակում կրեմի վրա չլցնենք
_Լցրեցինք և տարծեցինք սառելուց հետո մեր կարամելը
_Տորթի եզրերով կակաո ենք ցանելու վերջնական գեղեցիկ տեսքը տալու համար մեր տորթ Լակոմկա յին
_Ցանկալի է 2-3 ժամ թողնել սառնրարանում սառելու
_Բայց մենք այդքան չենք համբերի կկտրենք, որպեսզի դուք էլ տեսնեք այս շքեղ կտորը
_Բերանում միանգամից հալվում է և օրվա ընթացքում դեռ երկար հիշում եք սուրճի հետ համտեսած այս թխվածքի համը
Դե ինչ, բարի ախորժակ։
