Այսօր պատրաստելու ենք Տորթ Կարմիր Թավիշ Red Velvet Ռեդ վելվետ։ Նրբագույն համեղություն, թավշե քնքուշ մի տորթ իմ առաջարկած բաղադրատոմսով։
Դե դուք ընդամենը պետք է բաժանորդագրվեք իմ ալիքին, լայք դնեք և մի լավ կարծիք գրեք մեկնաբանությունների բաժնում, քանի դեռ չենք սկսել պատրաստել։
Խմոր
- Ձու — 6 հատ
- Շաքարավազ — 200 գր․
- Ալյուր — 200 գր․
- Վանիլ մեկ պտղունց
- Գոլ ջուր — 50 մլ
- Գույն — 5 կաթիլ
- Կակաո — 50 գր․
Թխում ենք 2 շերտ, որը հետո մեջտեղից կիսելով դարձնելու ենք 4 շերտ
Կրեմ
- Կրեմ- պանիր — 3 տուփ
- Կարագ — 200 գր․
- Շաքարի փոշի — 200 գր․
Թացան-օշարակ
- 200 գրամ տաք ջուր
- 3 ճ․ գդալ շաքարավազ
- Վանիլ մեկ պտղունց
Տորթ Կարմիր Թավիշ Քայլ առ Քայլ
- Սկսում ենք կրեմի պատրաստումից
- 200 գրամ կարագը պետք է հարենք
- Նշեմ, որ ցանկացած համեղ կրեմը համապատասխանում է այս տորթին
- Բայց ես միշտ հետաքրքիր և առավել համեղ համեր եմ փնտրում ցանկացած ուտեստի կամ թխվածքի համար
- Այս դեպքում Կրեմ պանիր եմ օգտագործելու համեղ և նուրբ կրեմ ստանալու համար
- Հարված կարագին ավելացնենք երեք տուփ ահա այսպիսի Կրեմ պանրից, Մասկարպոնե պանրով էլ շատ համեղ կստացվի
- Յուրաքանչյուր տուփը ավելացնելուց հետո հարենք մի փոքր, որպեսզի միատարր լինի
- Մեկ բաժակի չափով շաքարի փոշի ենք ավելացնում, որպեսզի առավել նուրբ կրեմ ստանանք
- Վանիլին մեկ պտղունց ընթացքում ավելացրեք
- Լավ հարեցինք վերջ կրեմը պատրաստ է
- Անցնենք խմորի պատրաստմանը
- Երկու շերտ ենք թխելու, հետո էլ դրանք կիսելու ենք
- Ես երկու անգամ սովորաբար կրկնում եմ այս չափաբաժինն ու խառնման հերթականությունը
- 3 ձու
- Կես բաժակ շաքարավազ կավելացնենք վրան և կսկսենք հարիչով հարել մինչև լավ փրփրելը
- Հարկավոր է բավականին երկար հարել, որպեսզի իր ծավալից երեք անգամ ավելանա
- Այս կերպ շրջանցում ենք առանձին-առանձին սպիտակուց և դեղնուցի հարումը
- Այժմ առանձին իրար խառնենք փոշի բաղադրիչները
- Ալյուր մեկ բաժակ
- 1 լիքը ճաշի գդալ կակաո կավելացնենք
- Վանիլ 1 պտղունց
- Խառնենք իրար և այն մաղելով ավելացնենք խմորին
- Ավելի լավ է փոշի բաղադրիչները ավելացնելուց հետո այլևս հարիչով չխառնել
- Շատ էլ պետք չէ խառնել, որ խմորը չնստի
- Բահիկով տակից դեպի վեր ենք բարձրացնում
- Կարմիր թավիշ տորթ ը իր հագեցած գույն ու համը կակոյի փոշու հաշվին է նաև ստանում, դա պարտադիր է
- Այսպիսի կարմիր գույն եմ վերցրել այս անգամ, օգտագործելու ենք մոտավորապես 20-30 կաթիլ, կախված այն մգությունից, որը դուք եք սիրում
- Ես մի փոքր մուգ եմ սիրում, ուստի 30-33 կաթիլ ավելացրեցի մոտավոր
- Հարկավոր է քիչ քիչ ավելացնել, եթե գույնին ծանոթ չեք կամ առաջին անգամ եք պատրաստում
- Որպեսզի ավելի ծակոտկեն խմոր ստանանք, հարկավոր է ահա այսքան գոլ ջուր ավելացնել
- Դե արդեն չափից ավել շատ խառնեցինք, այս խմորը քիչ միջամտություն է սիրում
- Արդեն տապակի մեջ լցնելու ժամանակն է
- Տապակի տակ յուղաթուղթ դնելը արդեն ըստ ձեր ցանկության է
- Իմ տապակի տրամագիծը 20 սանտիմետր է
- Խմորը ամբողջությամբ լցնենք մեջը թխելու ենք 160 աստիճանում 20-30 րոպե, կողմնորոշվում ենք չոփիկով, եթե խմորի միջից չոր դուրս եկավ ուրեմն թխված է
- Հանեցինք ջեռոցից
- Շրջում ենք բերանքսիվայր
- Հեռացնում յուղաթուղթը
- Տեսեք ինչ գեղեցիկ հյութեղ գույն է ստացվել, իսկ ծակոտիները խոշոր-խոշոր
- Երկրորդն էլ հանեցինք
- Երկու շերտն էլ պետք է կիսենք մեջտեղից, բայց դա ոչ մի դեպքում չի կարելի տաք վիճակում անել, բիսկվիթները պետք է լավ սառեն, որպեսզի լավ ուղիղ գծով կտրենք
- Յուրաքանչյուր շերտի անհարթ բարձրությունը պետք է հավասարեցնենք
- Սառը բիսկվիթը շատ հեշտությամբ կտրվում է, անգամ կարելի է ցելոֆանապատել և 2 ժամով սառնարանում թողնել
- Մանրացրած լցնենք տապակի վրա և ջեռոցում լրացուցիչ չորացնենք, եթե ժամանակ չունեք ողջ գիշեր դրսում թողնելու ինքնուրույն չորանալու համար
- Սառելուց հետո հավասար բաժինների վերածեցինք 4 շերտի
- Կարմիր հատապտուղ նախապատրաստելու կարիք ունենք, ես ազնվամորի եմ վերցրել
- Կարող եք ելակ օգտագործել, ինչ որ ունեք ձեռքի տակ կամ սառցախցիկում
- Հարիչ ուղարկենք հարվելու և միատարր զանգված դառնալու, իսկ մենք սկսենք հավաքել տորթը
- Առաջին շերտը խմորի ամենահաստ բաժինն է
- Այն դնենք հարթակի վրա
- Յուրաքանչյուր շերտի վրա պետք է պարտադիր օշարակ առատորեն լցնել
- Իսկ օշարակը շատ պարզ ձևով է պատրաստվում
- Մեկ բաժակ եռման ջրի վրա լցնում ենք 2-3 ճաշի գդալ շաքարի փոշի և մեկ պտղունց վանիլ
- Ահա այս լուծույթով էլ թրջելու ենք բոլոր շերտերը
- Վրան առատ հնարավորինս հաստ շերտով կրեմ կքսենք
- Եվ նույն հաջորդականությամբ բոլոր շերտերը
- Կարելի է նաև այս շերտերի արանքում էլ հարած ազնվամորի կամ ելակ շարել, շատ ավելի համեղ և հարուստ տորթ կստացվի
- Վերջին շերտը դնելիս բիսկվիտը բերանքսիվայր դրեք այդպես շատ հարթ կլինի տորթի երեսը
- Կրեմապատում ենք նաև կողքերին կքսենք
- Մի փոքր ժամանակով դնենք կողքի թող կրեմը ներծծվի
- Մինչ այդ ջեռոցից հանենք արդեն չորացած բիսկվիթի եզրերը
- 50-60 աստիճանում մոտ 10 րոպե թողեցինք
- Ապա հեշտությամբ մատներով կփշրենք, խոշորությունն էլ արդեն ըստ ճաշակի
- Մեր տորթը գեղեցկացնելու ժամանակն է
- Հարած ազնվամորին հաստ շերտով կլցնենք տորթի վրա
- Հետո փշրանքները արդեն եզրագծելով կտարածենք
- Կողքերից էլ կկպցնենք փշրանքները
- Վրան կարելի է հենց այսպես էլ թողնել, բայց լրացուցիչ գեղեցկության համար մեկ երկու հատապուղ ամեն դեպքում կենտրոնում կթողնենք, կարելի է նաև նանայի տերևներով զարդարել
- Դե 2-4 ժամ ցանկալի է թողնել սառնարնում նոր միայն կտել
- Կտրելուց հետո գեղեցկությունը նախ պետք է գնահատել, համը վայելել, ինչպես նաև տանտիկնոջ աշխատանքը գովերգել, քանի որ մեծ սիրով ու հոգատարությամբ է թխվում յուրաքանչյուր տորթ յուրաքանչյուրիս կողմից, համոզված եմ
- Այդպես չէ, գրեք, որ համաձայն եք
- Թե դիտողներ, թե համտեսողներ ջան, շռայլ եղեք ձեր գովեստում, դա ինձ միայն հաճելի է , տորթ կարմիր թավիշ
Դե ինչ բարի ախորժակ։