Տորթ Մարս․ Փափուկ, նուրբ, քնքուշ Տորթ իմ համեղ բաղադրատոմսով

Այսօր պատրասելու ենք տորթ Մարս՝ փափուկ, նուրբ, քնքուշ տորթ իմ համեղ բաղադրատոմսով։ Ինչպես-որ իմ ալիքի Տորթ Սնիկերսը շատ հավանեցիք, նույնչափ էլ այս տորթը ձեզ հաստատ դուր է գալու։

Այնպես որ, եթե դեռ չեք բաժանորդագրվել հասցրեք արագ բաժանորդագրվել և միանալ մեզ, լայքեր շռայլել և մեկնաբանություններ թողնել տեսանյութերի տակ, ես էլ արդեն կանցնեմ գործի։

Տորթ Մարս Բաղադրիչներ

Տորթ Մարս խմոր

• Ձու — 2 հատ
• Շաքարավազ — 100 գր․
• Կակաո — 15 գր․ 2 ճ․ գդալ
• Օսլա — 8 գր․ 1 ճ․ գդալ
• Վանիլին 1 պտղունց 5 գր․
• Փխրեցուցիչ — 10 գր․
• Ալյուր — 100 գր․

Շոկոլադե Մուսս Տորթ Մարս ի համար

• Շոկոլադ կաթնային — 100 գր․
• Մուգ շոկոլադ — 100 գր․
• Սերուցք 33 % յուղայնության — 350 մլ․ հարելու համար, 100 շոկոլադե սալիկների հետ հալեցնելու համար — ընդհանուր 450 գր․
• Ժելատին — 2 թ․ գդ․
• Ջուր ժելատինի դոնդողի համար — 100 միլիլիտր

Տորթ Մարս Աղի Կարամել

• Սերուցք 33 % յուղայնության — 160 գր․+1 ճ․ գդ․ ձեթ
• Շաքարավազ — 150 գր․
• Կարագ — 125 գր․
• Աղ — 1/4 թ․ գդ․ մեկ պտղունց

Գանաժ ջնարակ Մարս տորթ ի համար

• Մուգ շոկոլադ — 100 գր․
• Սերուցք 33 % յուղայնության — 70 մլ․

Տորթ Մարս Պատրաստման եղանակը

• Սկսենք միջուկի կարամելը պատրաստելուց, որպեսզի հասցնի սառել մինչ մեր մյուս գործերը կվերջացնենք
• Համեղ սերուցք ենք օգտագործելու 33-35%  բարձր յուղայնությամբ պարտադիր, իսկ ցածր 23 %  յուղայնությամբ սերուցքները սովորաբար օգտագործում եմ տարբեր ուտեստների համար սոուսներ պատրաստելիս
• 160 գրամ ենք վերցնելու
• Ուղարկենք այն միկրոալիքային վառարան տաքանալու
• 150 գրամ շաքարավազ կլցնենք կաթսայի մեջ այն կդնենք մարմանդ կրակին հալվելու

• Պարտադիր է նախնական շրջանում շաքարավազը չխառնել մինչև կսկսի հալվելը
• Արդեն հալվելուց հետո արագ խառնում ենք, որպեսզի չգնդվի
• Այդ ընթացքում սերուցքն էլ արդեն միկրոալիքային վառարանում լավ տաքացել է
• Պետք է արդեն զգուշությամբ ավելացնենք
• Լավ կարամելի մեկ նրբություն․ պարտադիր է որ սերուցքը լավ տաքացված լինի, եթե բավարար չափով տաք չլինի հալված շաքարավազի վրա լցնելուց անմիջապես կշաքարակալի
• Կաթսան պետք է պարտադիր հաստ հատակ ունենա, դա էլ մեկ կարոևոր նրբություն է, որ պետք է պարտադիր հաշվի առնեք
• Կրակից վերցնելուց հետո անմիջապես պետք է ավելացնենք աղ մեկ պտղունց, ես սովորաբար խոշոր ծովի աղ եմ օգտագործում ավելի հագեցած համ է ստացվում
• Կարամելին աղը պետք է քաղցրի հետ համերի հավասարակշռության և նոր երանգ հաղորդելու համար
• 125 գրամ կարագ կավելացնենք
• Կերակրի թաղանթով ծածկում ենք երեսը հենց այսպես տաք վիճակում, որպեսզի կեղև չկապի և դնում ենք կողքի որ սառի, մինչ մենք կպատրաստենք մյուս բաղադրիչները
• Հաջորդը խմորն է․
• 2 ձուն կկորտենք տարայի մեջ
• Կես բաժակ շաքարավազը կլցնենք փուլ առ փուլ հարվող ձվի վրա
• Շատ եք հարցնում որքան է բաժակի չափը, իմ օգտագործած բաժակը ուղիղ 200 գրամ փոշի բաղադրիչ է պարունակում, այն մոտավորապես 260 միլիլիտր հեղուկ է տանում, սա հաճախ տրվող հարցերից է, կողմնորոշվեք այս չափաբաժնով
• Կես բաժակ ալյուրի վրա լցնում ենք  2 ճաշի գդալ կակաո
• 1 ճաշի գդալ օսլա
• Մեկ պտղունց վանիլին
• 1 նոսր թեյի գդալ փխրեցուցիչ կլցնենք
• Եվ փոշի բաղադրիչները կմաղենք հեղուկ բաղադրիչների վրա
• Կհարենք հարիչով
• Խմորը պատրաստ է
• Իմ տապակի տրամագիծը 26 սմ է
• Այն ապահովության համար նաև յուղաթղթով պատենք
• Լցնենք խմորը մեջը և թխենք նախապես տաքացված 180 աստիճանում 10-15 րոպե մոտավորապես
• Ահա այսպիսի փափուկ բիսկվիթ կստանանք, սա պետք է սառի
• Ժամանակ չկորցնելու համար ժելատինը այդ ընթացքում կթրջենք կդնենք մի կողմ
• 100 միլիլիտր տաք ջուր լցնենք տարայի մեջ և 2 թեյի գդալ չոր ժելատին լուծենք մեջը
• Ահա այսպիսի խտության կստացվի մեր դոնդողը
• Դնենք կողքի թող ուռի այն
• Անցնենք մուսի պատրաստմանը
• 1,5 բաժակ սերուցք լցնենք լավ սառը պետք է լինի սերուցքը 350 միլիլիտր
• Սկզբում մի փոքր դանդաղ հարենք հետո լավ արագացնենք, պետք է փրփրի լավ և պնդանա
• Այս ընթացքում․
• 100 գրամ դառը շոկոլադե սալիկ մանրացնենք
• Վրան ավելացնենք 100 գրամ քաղցր շոկոլադե սալիկ
• 100 միլիլիտր սերուցք լցնենք վրան և հալեցնենք միկրոալիքային վառարանում կամ էլ  եռացող ջրի վրա
• Սա ավելացնենք մեր հարած սերուցքի վրա
• Դոնդողն էլ միկրոալիքային վառարանում հալեցնենք, սա էլ ավելացնենք
• Մուսսը պատրաստ է
• Կարելի է արդեն հավաքել մեր տորթ Մարս ը
• Տապակի մեջ տեղավորենք բիսկվիթը
• Վրան լցնենք մեր պատրաստած շոկոլադե մուսը
• Հավասարեցնենք մակերեսը և դնենք սառնարան մի փոքր սառի
• Հաջորդ  շերտը մեր կարամելն է
• Պարկով ահա այսպես տարածենք մուսսի վրա, այն արդեն բավականին սառել է
• Շատ պետք չէ սեղմել

• Հաստ շերտով եղավ
• Վրան էլ տորթի պետք է ջնարակ գանաժ լցնենք
• Դա էլ պարզ ձևով 100 գրամանոց մեկ սալիկ դառը շոկոլադ և 70 միլիլիտր սերուցք կօգտագործենք
• Միկրոալիքային վառարանում կհալվի
• Մի փոքր սառելուց հետո նոր կլցնենք որպես տորթի վերջին շերտ և կդնենք տորթ ը սառելու
• 2-3 ժամ սառելուց հետո կկտրենք, կհիանանք այս շերտերով և այս թեթև նուրբ տորթը կհամտեսենք սուրճի շուրջ

Դե ինչ, բարի ախորժակ։

Տորթ Մարս Տեսանյութում