Այսօր կթխենք տորթ Նեգրի ժպիտ, Քնքուշ և համեղ, պարզ և արագ թխվածք թեյի սեղանին։ Սա էլ է մեր սովետական թխվածքների ոսկե դարանից։
Տորթ Նեգրի ժպիտ բաղադրիչներ
Տորթ Նեգրի ժպիտ խմոր
_Ձու — 5 հատ — 4 դեղնուց
_Շաքարավազ — 1 բժ․ 200 գր․
_Կաթ — 1 բժ․ 200 գր․
_Սոդա — 1 թ․գդ․
_Կարագ — 100 գր․
_Կակաո — 2 ճ․գդ
_Ալյուր — 1,5-2 բժ․
Տորթ Նեգրի ժպիտ բեզե
_Ձվի սպիտակուց — 4 հատ
_Շաքարավազ -1 բժ․ — 200 գր․
_Կիտրոնի հյութ — 1 թեյի գդալ թարմ քամած կամ մի պտղունց կիտրոնի աղ
Տորթ Նեգրի ժպիտ Քայլ առ քայլ
_Նախ պատրաստենք խմորը, որի համար հարկավոր է առանձնացնել 4 ձվի սպիտակուցները դեղնուցներից
_Դեղնուցների վրա պետք է ավելացնենք նաև 1 ամբողջական ձու
_Սպիտակուցները դնենք միառժամանակ կողքի, մինչ կպատրաստենք խմորը, հետո կանցնենք բեզեին
_Մեկ բաժակ շաքարավազը ավելացնենք քիչ-քիչ դեղնուցներին և խառնենք հարիչով
_Լավ սպիտակեց փրփեց, բարձրացավ պետք է ավելացնենք մեկ բաժակ կաթ
_Շարունակենք հարել
_Մեկ թեյի գդալ սոդա ավելացնենք հարենք մի փոքր
_2 ճաշի գդալ կակաո լցնենք մաղի մեջ
_Վրան ավելացնենք մեր ալյուրը և մաղենք խմորի մեջ
_Մաղված փոշի բաղադրիչները ավելի ծակոտկեն թխվածք են ապահովում
_Հարիչով ամբողջը հարենք ստանանք այսպիսի բաղադրության խմոր
_Լցնենք ջեռոցի տապակի մեջ
_Մինչ կթխվի ուրախացնեմ մեր հերթական հաջողակին
_Ջեռոցը նախապես պետք է տաքացրած լինի 180-190 աստիճան երկկողմանի ռեժիմում
_Պետք է թխենք մոտ 20-25 րոպե
_Խմորը ջեռոցից հանելու պահին արդեն պետք է պատրաստ ունենանք բեզեն, որը պատրաստելու ենք այս հարիչի օգնությամբ
_4 ձվի սպիտակուցը հարենք բարձր արագության տակ
_Ընթացքում երբ մի փոքր կփրփրի կսկսենք քիչ-քիչ ավելացնել մեկ բաժակ շաքարավազ
_Թարմ քամած կիտրոնի հյութը մեկ թեյի գդալի չափով ավելացնենք, եթե չունեք ապա կիտրոնի աղ կլցնեք մի պտղունց, լավ պինդ բեզե ստանալու համար
_Վերջ բեզեն լրիվ պինդ է
_Բիսկվիտն էլ արդեն բավարար չափով եփված է, հանենք ջեռոցից
_Ամբողջ բեզեն լցնենք բիսկվիտի վրա
_Բեզեն բացարձակ հարթ մակերեսով ես չեմ սիրում, թեպետ դա էլ է տարբերակ
_Այս դեպքում գեղեցիկ կամայական խորդուբորդով զարդարված բեզեի շերտով կրկին տորթը դնում ենք ջեռոց
_Մոտ 7-8 րոպեի ընթացքում կեղևը բեզեի կարմրում է չորանում
_Արդեն ուրեմն հանելու ժամանակն է
_Տորթը պետք է ջնարակապատենք
_Կարծում եմ կրկին ջնարակի պատրաստումը ցույց տալու կարիք չկա
_Իմ ալիքում բազմաթիվ տարբերակներ կան ջնարակ պատրաստելու, եթե կարիք կա, նաև առանձին տեսանյութ կնկարահանեմ ջնարակների պատրաստման վերաբերյալ
_Կրկին ձեր ընտրությամբ է ամբողջությամբ ջնարակապատել թե մասնակի ինձ նման, որոշեք ինքներդ
_Ի տարբերություն մյուս տորթերի տորթ Նեգրի ժպիտը թխելուց հետո երկար սպասելու կարիք չունի կտրելու համար
_Անմիջապես էլ կարող ենք կտրել և թեյի հետ մատուցել
_Կարծում եմ առանձնապես նորություն չէր բաղադրատոմսը, բայց վերհիշելու լավ առիթ
Դե ինչ, բարի ախորժակ։
