Առաջարկում ենք ձեզ աշնան վերջին օրերին պատրաստել տորթ Ոսկե աշուն անունով: Աշնանային վառ գույները ուրախություն կհաղորդեն ձեր սեղանին
Տորթ Ոսկե աշուն. Անհրաժեշտ բաղադրիչները
_Ալյուր 160-180 գր
_Կակաո 60 գր
_Շագանակագույն շաքար 400 գր
_Ձու 3 հատ
_Շոկոլադե կարագ 200 գր
_Խնձոր (կամ խնձորի ջեմ, կարող եք նաև ելակի ջեմ) 450 գր
_ Պնդուկով շոկոլադե մածուկ 300 գր
_Սերուցք 33% (կամ մասկարպոնե) 500 գր
_Գունավոր մարցիպան 5-10 հատ
_Փխրեցուցիչ 16 գր
_Վանիլին՝ ըստ ճաշակի
Տորթ Ոսկե աշուն. Պատրաստման եղանակը
_Մի ամանի մեջ խառնել ալյուրը, փխրեցուցիչը, կակաոն և 160-180 գ եղեգնաշաքարը։ Ամեն ինչ լավ խառնել, ավելացնել հալեցրած շոկոլադե կարագը։
_Առանձին ամանի մեջ հարել երեք ձուն, խառնել խմորին: Կաղապարին կարագ քսել (ես օգտագործել եմ նաև շոկոլադե կարագ) և դնել 170 աստիճան տաքացրած ջեռոցը 40-50 րոպե։
_Մինչ շերտերը պատրաստվում են, կարելի է կրեմը պատրաստել՝ սերուցքը կամ մասկարպոնեն շաքարավազի հետ հարելով մինչև թանձր համասեռ զանգված ստանալը։
_Թխվածքաբլիթը կտրատել շերտերի և սկսել հավաքել տորթը. ներքևի շերտին քսել շոկոլադե պնդուկով մածուկը, վրան բարակ կտրատած խնձորի կտորները կամ մրգային մուրաբան քսել, որից հետո վրան կրեմ քսել։
_Ծածկել հաջորդ շերտով, նույն հաջորդականությամբ կրկնել քսել միջուկը։ Վերջին շերտին ոչինչ քսել պետք չէ՝ այն կզարդարվի մարցիպանով։
_Վերցնել գունավոր մարցիպան, քանակը կախված է տորթի բարձրությունից և լայնությունից։ Մարցիպանը գրտնակել բարակ շերտերով և սկսել զգուշորեն, հավասարաչափ ծածկել տորթը կողքերից և վերևից:
Վրան կարող եք հավելյալ զարդարել ըստ ճաշակի:
Բարի ախորժակ:
