Տորթ Պլոմբիր իմ մանկության համը

Այսօր կպատրաստենք տորթ պլոմբիր իմ առաջարկած բաղադրատոմսով։ Սառնարանից կհանենք մեկ մեծ կտոր այս տորթ ից և վայելելով մանկության գիրկը կընկնենք՝ այնքան ծանոթ ու քաղցր համ։

Տորթ Պլոմբիր Բաղադրիչներ

Խմոր

• Կաթ — 100 մլ․
• Ջուր — 100 մլ․
• Ալյուր — 120 գր․
• Կարագ — 100 գր․
• Աղ մեկ պտղունց
• Ձու — 4 հատ միջին չափի

Կրեմ

• Կաթ — 500 մլ․
• Ձու — 2 հատ
• Շաքարավազ — 150 գր․
• Վանիլին
• Եգիպտացորենի օսլա — 40-60 գրամ
• Կարագ — 200 գր․

Պլոմբիր Պատրաստման եղանակը Քայլ առ քայլ

• Նախ պատրաստենք խմորը
• Կես բաժակ ջուր կլցնենք կաթսայի մեջ
• Նույն չափով էլ կաթ կավելացնենք
• 100 գրամ կարագ կլցնենք, կես տուփ
• Մեկ պտղունց աղ կավելացնենք և կդնենք մարմանդ կրակին եփվելու
• Կաթը հենց տաքանա, կես բաժակից մի քիչ ավել ալյուր կլցնենք և լավ խառնենք, որ գնդիկներ չձևավորվեն
• Խմորը եռալով հավաքվում պնդանում է
• Հենց կաթսայի հատակին ահա այսպիսի շղարշ ձևավորվի, ուրեմն ժամանակն է կրակից վերցնելու
• Կրակից վերցնելուց հետո, մի փոքր խառնենք հովանա և սկսենք մեկ առ մեկ ձու ավելացնենք
• Յուրաքանչյուր ձուն լցնելուց հետո հարկավոր է լավ խառնել, որպեսզի հասկանաք խմորի խտությունը
• Ես միջին չափի 4 ձու օգտագործեցի, պետք է ստանաք ահա այս խտության խմոր
• Երկու տապակով ենք թխելու
• Յուղաթերթ փռենք վրան տապակի
• Յուրաքանչյուր կեսը լցնենք տապակի վրա և տարածենք հավասարաչափ, բարակ շերտ կստացվի
• Թխելու ենք 20-25 րոպե 180 աստիճանում, վերև ներքև ռեժիմով
• Չենք մոռանում հեռացնել յուղաթուղթը
• Երկրորդ շերտն էլ հաջողությամբ թխվեց
• Իրար վրա դնենք

• Հեռացնենք եզրերի անհավասարությունները․ բոլոր կողմերից ցանկալի է ուղիղ հավասար լինեն իրար
• Երկու շերտն էլ հավասարաչափ պետք է բաժանենք 3 շերտի ըստ լայնության
• Ինձ մոտ պատրաստի շերտը 33 սմ է, այսինքն 11 սմ լայնքով 6 շերտ կստանանք
• Շերտերը դնենք մի կողմ անցնենք կրեմի պատրաստմանը
• 2 ձուն կոտրենք կաթսայի մեջ
• 150 գրամ շաքարավազ լցնենք վրան
• Մի պտղունց վանիլին ավելացնենք
• 3 ճաշի գդալ օսլա կավելացնենք եգիպտացորենի
• Եթե պինդ կրեմ եք սիրում ապա օսլան մեկ գդալ ավել լցրեք
• 2,5 լիքը բաժակ կաթ լցնենք
• Դնենք մարմանդ կրակին, փայտե գդալով անընդհատ խառնենք մինչև թանձրանա և եռ գա
• Վերցնենք կրակից
• Պետք է կափարիչը փակենք և դնենք սառը տեղ հովանա, ընթացքում հարկավոր է խառնել պարբերաբար, որ հաստ կեղև եփովի կրեմի վրա չնստի
• 200 գրամ սենյակային ջերմաստիճանի փափուկ կարագը հարենք մինչև լավ կսպիտակի կփրփրի
• Կրեմի եփովի հատվածն էլ արդեն սառել է
• Քիչ-քիչ սա էլ ավելացնենք վրան անդադար հարելով
• Կրեմն էլ է պատրաստ
• Տորթը հավաքելու ժամանակն է
• Այո, որոշ չափով նման է էկլերի բաղադրատոմսին
• Էկլեր սիրողներ ջան, լայք դրեք այս պահին տեսանյութի տակ, տեսնենք որքան շատ են հայերը սիրում էկլեր և նրա նման յուրաքանչյուր թխվածք

• Դե 6 շերտն էլ առատ կրեմ քսեցինք
• Վրայից քերած նուշ կարելի է շաղ տալ զարդարման համար
• Պարտադիր է թողնել տորթ ը սառնարանում 2 ժամ և ավել․ լավ սառելու և շերտերը իրար կպնելու համար
• Տորթ Պլոմբիր ը մատուցում ենք պարտադիր սառը վիճակում։

Դե ինչ բարի ախորժակ։

Տորթ Պլոմբիր իմ մանկության համը Տեսանյութ