Տորթ Պլոմբիր. Համեղ ու հեշտ պատրաստվող տնական թխվածք 

Տորթ Պլոմբիր. Համեղ ու հեշտ պատրաստվող տնական թխվածք

Այս տորթը դուր կգա Նապոլեոնի և Կարպատկայի բոլոր երկրպագուներին: Եփովի խմորով ու կրեմով հրուշակեղենը հիանալի համադրվում են: Տորթի համը նման է պլոմբիր պաղպաղակի:

Տորթ Պլոմբիր. Անհրաժեշտ բաղադրիչները

Եփովի խմոր

• Կաթ — 100 գ
• Ջուր — 100 գ
• Ալյուր — 120 գ
• Կարագ — 80 գ
• Աղ — պտղունց
• Շաքար — մի պտղունց
• Ձու  — 3-4 հատ

Եփովի Կրեմ

• Կաթ — 500 գ
• Ձու — 2 հատ
• Շաքարավազ — 150 գ
• Վանիլային շաքար `20 գ
• Եգիպտացորենի օսլա — 40-60 գ
• Կարագ 82% — 160 գ

Տորթ Պլոմբիր. Պատրաստման եղանակը

1. Եկեք պատրաստենք եփովի կրեմի հիմքը, քանի որ այն պետք է ամբողջովին սառչի: Լավ տաքացնել կաթը, ձվերը խառնել շաքարի և օսլայի հետ, որքան շատ օսլա, այնքան թանձր կլինի կրեմի հիմքը:
2. Ավելացնել կաթ և եփել՝ անընդհատ խառնելով: Առաջին պղպջակները հայտնվելուց հետո կրեմը եփել ևս 1 րոպե: Կրեմի վրա անմիջական շփմամբ փռել սննդային թաղանթ և սպասել, որպեսզի լիովին սառչի, կամ կարող եք այն դնել սառը ջրով ամանի մեջ, պարբերաբար խառնելով, այնպես որ ավելի արագ կսառչի:
3. Եփովի խմորի համար ջուրը խառնել կաթի հետ, ավելացնել կարագ, աղ և շաքար: Շատ տաքացնել, ավելացնել մաղած ալյուր: Անընդհատ խառնելով խմորը եփել այնքան ժամանակ, մինչև այն հավաքվի մեկ համասեռ զանգված տեսքով: Կրակի վրա պահել ևս 1-2 րոպե, որպեսզի ավելորդ հեղուկը գոլորշիանա: Խմորը տեղափոխեք ամանի մեջ, որպեսզի ավելի արագ սառչի:
4. Երբ խմորը սառչի, միանգամից ավելացնել ձվերը՝ հերթով լավ խառնելով խմորի մեջ: Ձվերի քանակը կախված է դրանց չափից: Խմորը պետք է բահիկից ընկնի մեկ զանգվածի ձևով, ինչպես նկարում է:
5. Խմորը բաժանել 2 հավասար մասերի, տարածել յուղաթղթի վրա: Տորթերի չափը 30-ը 40 սմ-ի չափի է, այսինքն ջեռոցի ստանդարտ տապակի չափը:
6. Թխել 190 աստիճան տաքացրած ջեռոցում 15-20 րոպե: Խմորը պետք է լավ կարմրի: Թող պատրաստի շերտերը սառչեն և յուրաքանչյուրը կտրել 4 մասի:
7. Վերադառնանք կրեմին: Կարագը և կրեմի հիմքը պետք է լինեն սենյակային ջերմաստիճանում: Եթե ​​կրեմի հիմքը տաք է, ապա կարագը պարզապես կհալվի, և կրեմը չի ստացվի, այն կջրիկանա: 2-3 րոպե հարել կրեմի հիմքը, մասերով ավելացնելով փափուկ կարագ:
8. Շերտերի վրա, և տորթի կողմերին քսել կրեմը: Կողքերը զարդարել նուշի փաթիլներով: Վրան վանել շաքարի փոշի:
9. Տորթը սառնարանում թողնել 4-5 ժամ, կամ ողջ գիշերը, որպեսզի այն կայունանա և ներծծվի:

Տորթ Պլոմբիրը պատրաստ է:

Բարի ախորժակ

Տեսանյութ

Տորթ Կարպատկա