Տորթ Ռաֆաելլո աննկարագրելի նուրբ ու համեղ տորթ

Համեղ քաղցր բարձր և շքեղ տորթերից հերթական համեղությունն եմ ներկայացնում տորթ Ռաֆաելլո իմ բաղադրատոմսով, գիտեմ շատերդ էիք սպասում։

Տորթ Ռաֆաելլո Բաղադրիչներ

Ռաֆաելլո Խմոր

• Ձու — 2 հատ
• Շաքարավազ — 200 գր․
• Թթվասեր — 100 գր․
• Սոդա — 1 թ․ գդ․
• Կարագ — 100 գր․
• Ալյուր — 400-500 գր․

Ռաֆաելլո տորթ Կրեմ

• Կարագ — 350 գր․
• Շաքարավազ — 300 գր․
• Ալյուր — 200 գր․
• Վանիլին — 1 պտղունց
• Ձու — 3 հատ
• Կաթ — 800 գր․
• Էսենցիա նուշի — 1 թեյի գդալ
• Կոկոսի քերուկ — 1 բաժակ

Տորթ Ռաֆաելլո Բաղադրիչներ

• Սկսենք համեղ յուրահատուկ կրեմի պատրաստումից
• Կաթսայի մեջ լցնենք 300 գրամ շաքարավազ
• Ավելացնենք մեկ բաժակ ալյուր
• Մի պտղունց վանիլին և այս փոշի զանգվածի վրա կոտրենք 3 ձու
• Խառնենք մի փոքր համասեռ դառնան
• Ավելացնենք 4 բաժակին մոտ կաթ 800 գրամ
• Խառնենք լավ և դնենք մարմանդ կրակին եփվելու
• Ընթացքում հարկավոր է դանդաղ խառնել կրեմը, որպեսզի գնդիկներ չառաջանան
• Հենց լավ պնդանա և դժվարանա արդեն խառնելը վերցնենք կրակից
• Կերակրի թաղանթով հերմետիկ ծածկենք կրեմը կողքերից, պետք է օդ չանցնի, որ կեղև կամ չորացած կտորիկներ կրեմի վրա չձևավորվեն
• Մինչ այն կսառի կողքի դրված մենք սկսկենք հարել կարագը
• 350 գրամ արդեն փափկած կարագ լցնենք իմ օգնական հարիչի մեջ թող խառնի այն
• Շարունակենք մեր տորթ ի կրեմի պատրաստումը
• Եփովի կրեմն արդեն սառելուց հետո կհեռացնենք կերակրի թաղանթը վրայից
• Գդալ-գդալ կավելացնենք հարվող կարագի վրա
•  Այո, այս տորթի կրեմը լավ առատ է ստացվում, քանի որ փափկությունը շատ բնորոշ է ռաֆաելլո կոնֆետի միջուկին
• Այս տորթի պարտադիր բաղադրիչներից մեկն էլ նուշի էսենցիան է, որը յուրահատուկ համ է տալիս կրեմին, եթե չունեք ձեռքի տակ ուրեմն հարիչով անցկացրած նուշ գոնե կես բաժակի չափով ավելացրեք
• Կոկոսի քերուկն էլ չանտեսեք, 100 գրամ կավելացնենք հարվող կրեմի վրա
• Եվ վերջ մեր կրեմն արդեն պատրաստ է
• Անցնենք շերտերի պատրաստմանը
• 2 ձու կոտրենք տարայի մեջ
• Ավելացնենք 100 գրամ շաքարավազ
• Հարիչի բարձր արագության տակ հարենք սա, մինչև փրփրի բարձրանա կրկնակի չափով զանգվածը
• Սենյակային ջերմաստիճանում լավ փափկած կարագը 100 գրամի չափով ավելացնենք զանգվածին և շարունակենք հարել
• Թխվածք թխելիս օգտագործվող բոլոր բաղադրիչները պետք է լինեն նույն ջերմաստիճանի հասցված, այսինքն բոլոր բաղադրիչները մոտ մեկ ժամ առաջ մինչև թխելը դրեք սենյակում իրար կողք, ավելի լավ կստացվի խմորը
• Սենյակային ջերմաստիճանի հասցված թթվասեր մեջ կես բաժակ ավելացնելու ենք մեկ թեյի գդալ սոդա
• Խառնենք լուծենք այն թթվասերի մեջ և ավելացնենք խմորին
• Հարենք մի լավ

• Ալյուրն էլ մաղելով պարտադիր պետք է լցնենք
• Ընդհանուր հաշվով կօգտագործենք 500 գրամ ալյուր, պետք է ստացվի ձեռքերին չկպնող․ բայց միևնույն ժամանակ լավ փափուկ խմոր
• Կախված ձեր օգտագործած բաղադրիչներից ալյուրի պահանջվող քանակը կարող է մի փոքր տատանվել
• Ստացված խմորը տեղափոխենք կերակրի թաղանթի մեջ
• Հարմարավետ ձև տանք, բոլոր կողմերից հերմետիկ ցելոֆանապատենք և դնենք սառնարան սառելու մոտ 1 ժամ, եթե շատ եք շտապում, կարող եք և սառցախցիկում տեղավորել
• 1 ժամ անց հանենք սառնարանից
• Բաժանենք 6 հավասար մասի, կարող եք նաև 8 մասի բաժանել, եթե ձեր տապակի տրամագիծը փոքր է, ես թխելու եմ 24 տրամագծով և 6 շերտը լրիվ նորմալ է այս դեպքում
• Գրդնակով բացենք անմիջապես յուղաթղթի վրա ձեր նախընտրած տրամագծով
• Թխենք տաք ջեռոցում 180 աստիճանում վերև ներքև ռեժիմով 7-8 րոպե յուրաքանչյուր շերտը
• 6 շերտն էլ շատ արագ թխեցինք, կրեմն էլ պատրաստ է, կարող ենք հավաքել մեր տորթը
• Յուրաքանչյուր խմորի շերտին հաջորդում է կրեմի առատ շերտը

• Իսկ վերջում ամբողջությամբ առատորեն կրեմապատում ենք տորթի շուրջբոլորը
• Կոկոսի քերուկն էլ առատորեն շաղ տալիս վրան և հիանում այս շքեղ, բարձր ճոխ տորթով
• Այն պետք է սառնարանում թողնենք առնվազն 2 ժամ, լավ կլինի մի ողջ գիշեր
• Իսկ առավոտյան արդեն հիանանք այս գեղեցկությամբ, շքեղությամբ, կտրենք
• Համտեսենք և բոլորին պատմենք, որ շատ համեղ տորթի բաղադրատոմս եք գտել իմ ալիքում

Դե ինչ, բարի ախորժակ։

Տորթ Ռաֆաելլո տեսանյութ