Այսօր պատրաստելու ենք տորթ Սնիկերս․ իսկական սնիկերսից էլ համեղ և փափուկ բնականաբար։ Ուրախացրեք ձեր փոքրիկներին սեփական ձեռքերով պատրաստած տնական քաղցրավենիքով․ Սնիկերս տորթ ով։
Տորթ Սնիկերս Բաղադրիչներ
Տորթ Սնիկերս խմոր
- Ձու — 4 հատ
- Շաքարավազ 2 բաժակ -400 գր․
- Թթվասեր — 350 — 400 գր․
- Սոդա — 2 թ․ գդ․
- Կարագ — 100 գր․
- Ձեթ — 6 ճ․ գդ․
- Կակաո — 4 ճ․ գդ․
- Ալյուր — 3 բ․ — 600 գր․
Տորթ Սնիկերս կրեմ
- Շաքարի փոշի -1 բաժակ
- 2 ձվի դեղնուց
- Կարագ — 250 գր․
- Կակաո — 2 ճ․ գդ․
- Վանիլին — 1 պտղունց
Տորթ Սնիկերս միջուկ
- Եփած խտացրած կաթ — 2 բանկա
- Գետնանուշ — 0,5 կգ․
Տորթ սնիկերս Գլազուր
- Կաթ — 10 ճ․ գդ․
- Կակաո — 3 ճ․գդ․
- Շաքարավազ — 3 ճ․ գդ․
- Կարագ -50 գր․
Տորթ Սնիկերս Բաղադրիչներ
- Սկսենք գետնանուշը բովելուց
- Կես կիլոգրամ գետնանուշ է մեզ պետք, բովենք այն ջեռոցում կամ գազօջախի վրա մանրացնենք դնենք կողքի
- 2 բանկա եռացրած խտացրած կաթ պետք է լցնենք տարայի մեջ
- Վրան ավելացնենք մեր մանրացրած գետնանուշը
- Կարող ենք մի քանի հատ թողնել վերջում զարդարելու համար
- Խառնենք զանգվածը դնենք կողքի
- Խմորի պատրաստման համար՝ 4 ձու կոտրենք սկսենք հարել
- Հարելու ընթացքում քիչ քիչ լցնենք 2 բաժակ շաքարավազ
- Պետք է ավելացնենք 350-400 գրամ թթվասեր
- Մեջը լցնենք 2 թեյի գդալ սոդա խառնենք նոր լցնենք խմորի մեջ
- Շարունակենք հարել
- 100 գրամ կարագ է մեզ պետք գալու անպայման սենյակային ջերմաստիճանի, ավելացնենք հարենք
- 6 ճաշի գդալ ձեթ ենք լցնելու, այն կապահովի մեր խմորի լրացուցիչ փափկությունը
- 3 բաժակ ալյուրին խառնենք կակաո և անպայման մաղով անցկացնենք՝ լցնելով խմորի վրա
- Սնիկերս տորթի մեկ այլ համեղ տարբերակ կառաջարկեմ բեզեով, եթե այս տեսանյութը հավաքի գոնե 500 լայք
- Ստացանք արդեն այսպիսի խտության խմորի զանգված
- Բաժանենք այն 2 մասի և առանձին առանձին թխենք 180 աստիճանում ջեռոցի վերև-ներքև ռեժիմում, մոտ 15-20 րոպեն լրիվ բավարար է
- Ջեռոցի տապակի մեջ նախ լցնենք առաջին բաժինը, սրան կհաջորդի երկրորդ շերտի թխելը
- Հանենք ջեռոցից
- Կալկայի կամ որևէ համապատասխան հարթակի վրա շրջենք, հեռացնենք տակի կալկան և դնենք խմորները կողքի սառեն
- Անցնենք տորթ սնիկերսի արդեն համեղ և յուրահատուկ կրեմի պատրաստմանը
- 2 ձվի դեղնուցը առանձնացնենք
- Այն պետք է գոլորշու վրա 1 բաժակ շաքարի փոշու հետ անընդմեջ խառնենք այնքան մինչև լրիվ լուծվեն բաղադրիչները
- Այստեղ շատ կարևոր է շաքարի փոշու որակը, առավել հարմար է օգտագործել պատրաստի փոշի, այլ ոչ թե տնային պայմաններում ստացվածը
- Այն դնենք կողքի մի փոքր թող սառչի
- 250 գրամ կարագը հարենք
- Վրան ավելացնենք կակաո 2 ճաշի գդալ
- Մեր ձվի դեղնուցով և շաքարի փոշով պատրաստված զանգվածը ավելացնենք հարած կարագի և կակաոյի վրա
- Վանիլին կավելացնենք մեկ պտղունց
- Արդեն ամեն ինչ պատրաստ է, սկսենք հավաքնել մեր տորթ սնիկերս ը
- Առաջին շերտը բնականաբար խմորի մեկ շերտն է
- Վրան պետք է քսենք մեր կրեմի մի մասը
- Ապա կրեմին կհաջորդի մեր գետնանուշով և եփած խտացրած կաթով զանգվածը
- Հաջորդ շերտը կրկին պետք է կրեմ լինի, որպեսզի դա հեշտությամբ գլուխ բերենք կրեմը կքսենք խմորի վրա, ապա նոր կշրջենք այն ահա այսպիսի հմտությամբ
- Վրան ևս մեկ բարակ շերտ կրեմ կքսվի
- Զարդարման համար գետնանուշ շաղ տանք վրան
- Եվ ջնարակ պատրաստենք հատուկ սնիկերսի համար
- 10 ճաշի գդալ կաթին կավելացնենք 50 գրամ կարագ
- 3 ճաշի գդալ կակաո
- 3 ճաշի գդալ շաքարավազ
- Դնենք այն մարմանդ կրակին թող եփվի չմոռանանք անընդհատ խառնել
- Ջնարակն արդեն պատրաստ է
- Թողնենք մի փոքր սառի նոր լցնենք վերջնական մեր սնիկերս տորթ ի վրա
- Հիանանք, կտրատենք, համտեսենք և վայելենք
Բարի ախորժակ։
