Տորթ Վանականի խրճիթ. Այս նրբագեղությունը պատրաստելու համար հարկավոր է թխել բալերով լցոնված ձողիկներ և պատրաստել կրեմ: Սովորաբար նման տորթի համար պատրաստվում է թթվասերով կրեմ, բայց դուք կարող եք օգտագործել սովորական խտացրած կաթով և կարագով ունիվերսալ կրեմը:
Հիշեք, որ բալերը պետք է նախապես կորիզահան անել: Ի դեպ, կարող եք վերցնել և սառեցված պտուղներ, և մուրաբայի հատիկներ: Երկու դեպքում էլ պետք է լցնել փլավքամիի մեջ, որ հնարավորինս քիչ հեղուկ մնա:
Այս տորթի հետ կապված ամենադժվարը բանը սպասելն է, որ այն վերջապես լավ ներծծվի, որպեսզի արագ համտեսեք այս համեղ հրաշքը:
Տորթ Վանականի խրճիթ. Անհրաժեշտ բաղադրիչներ
_Ցորենի ալյուր 2,5 բաժակ
_Բալ 2 բաժակ
_Կարագ 500 գ
_Թթվասեր 850 մլ
_Շաքարի փոշի 200 գ
_Կիտրոնի հյութ 2 ճաշի գդալ
_Վանիլային շաքար 1 թեյի գդալ
Տորթ Վանականի խրճիթ. Պատրաստման եղանակը
_Ալյուրը խառնել կարագի (200 գ) և թթվասերի (250 մլ) հետ: Ավելացնել վանիլային շաքար: Խմորը հունցել և կես ժամ թողնել սառնարանում:
_Խմորը բաժանել մոտ 10 հավասար մասերի և յուրաքանչյուր կտոր բացել ժապավենի նման, մի կողմում շարելով բալերը: Դրանից հետո խմորը գլորել խողովակի նման և ամրացնել եզրերը: Խողովակը պատառաքաղով ծակծկեք մի քանի տեղից:
_Ջեռոցը տաքացնել 180 աստիճան և 10 րոպե թխել ձողիկները:
_Կրեմի համար 600 մլ յուղալի թթվասերը հարել շաքարի փոշու հետ, ավելացնել 300 գ փափկեցրած կարագ և կիտրոնի հյութ, լավ հարել ամբողջը:
_Շարել արդեն սառած բալով ձողիկները շերտերով, յուրաքանչյուր շարքն առատորեն ծածկել կրեմով, աստիճանաբար պակասեցնելով ձողիկների թիվը, մինչև վերջում մնա միայն մեկ ձողիկ, որ ստացվի խրճիթի տանիքի պես բուրգ:
_Պատրաստի տորթը ծածկել կրեմի հաստ շերտով և զարդարել ըստ ցանկության: Տորթը գիշերը թողեք սառնարանում՝ ներծծվելու համար:
Տորթ Վանականի խրճիթը պատրաստ է, կարելի է մատուցել և վայելել հաճելի թեյի հետ:
Եթե ձեզ դուր է գալիս բաղադրատոմսը, խնդրում ենք, կիսվեք այն ձեր ընկերների հետ սոցիալական ցանցերում:
Բարի ախորժակ
Տեսանյութ
Այս տորթի պատրաստման մի ուրիշ տարբերակ
