Փարթամ ու փափուկ բլիթներ. Սովորական շոռակարկանդակի փոխարեն պատրաստեք և հիացեք

Փարթամ ու փափուկ բլիթներ. Սովորական շոռակարկանդակի փոխարեն պատրաստեք և հիացեք պարզությամբ ու մատչելիությամբ

Այս համեղ բլիթները ձեզ շատ դուր կգան: Շոռակարկանդակներն այս հետաքրքիր բաղադրատոմսի շնորհիվ կտապակենք, իսկ հետո թաթախենք շաքարավազի մեջ։

Դրանք ստացվում են պարզապես հիանալի, փարթամ և փափուկ:

Փարթամ ու փափուկ բլիթներ. Անհրաժեշտ բաղադրիչները

_ կաթնաշոռ 300 գ

_ ալյուր 250 գ

_ փխրեցուցիչ 10 գ

_ ձու 1 հատ

_ շաքարավազ 100 գ

_ մի պտղունց աղ,

_ վանիլին

Տապակելու համար ձեզ հարկավոր է.

_ շաքարավազ 3 ճաշի գդալ

_ բուսական յուղ 150 մլ

Փարթամ ու փափուկ բլիթներ. Պատրաստման եղանակը

_ Ալյուրը մաղել և խառնել փխրեցուցիչի հետ։

_ Կաթնաշոռը միացնել ձվի, շաքարավազի, աղի և վանիլինի հետ։ Զանգվածը հարել, մինչև հարթ լինի։

_ Կաթնաշոռային զանգվածի մեջ մաս-մաս լցնել ալյուրը և հունցել խմորը։ Ավելացնել այնքան ալյուր, որ ստացվի փափուկ և ոչ կպչուն խմոր։

_ Բաժանել 4 մասի, գնդիկներ անել։

_ Յուրաքանչյուր բուլկի երկարացնել երշիկի նման:

_ Կտրել բաժիններ, մոտ 5 սմ երկարությամբ և դրանց տալ եռանկյունու ձև։

_ Տաքացնել բուսայուղը և շարել շոռակարկանդակները, յուրաքանչյուր կողմից տապակել, մինչև կարմրավուն երանգ ստանա:

_ Շարել թղթե սրբիչների վրա, ապա դեռ տաք  վիճակում թաթախել շաքարավազի մեջ:

_ Երբ շաքարավազը հալվում է, այն ստեղծում է քաղցր ծածկույթ, որը սառչելիս դառնում է փխրուն:

Սրանք համեղ շոռակարկանդակներ են՝ խրթխրթան կեղևով և նուրբ հյուսվածքով, որոնք կարող են լինել և նախաճաշ, և աղանդեր:

Բարի ախորժակ:

Տեսանյութ

Փքուն ալադիներ