Մեր ընտանիքի սիրելի փխրուն տորթն ունի շատ հարմար բաղադրատոմս այն առումով, որ պետք է հանգստանա և որքան երկար, այնքան լավ:
Հետևաբար, այն կարելի է պատրաստել նախորդ օրը և իսկ հրավերքի օրը հանգիստ զբաղվել այլ ուտեստների պատրաստմամբ։
Փխրուն տորթ. Անհրաժեշտ բաղադրիչները
Շերտերի համար
_Կարագ 300 գր
_Ալյուր 450 գր
_Ձվի դեղնուց 4 հատ
_Շաքարավազ 150 գր
_Վանիլային շաքարի տուփ 1 հատ
_Մի պտղունց աղ
Կրեմի համար
_Թթվասեր 33% 500 մլ
_Շաքարի փոշի 5 ճաշի գդալ
_Մանր կտրատած ընկույզ 1,5 բաժակ
_Լիկյոր 2 ճաշի գդալ
Փխրուն տորթ. Պատրաստման եղանակը
_Կարագը շաքարավազի հետ հարել հարիչով, մինչև փարթամանա՝ 7-10 րոպե։
_Հարելու ընթացքում ավելացնել դեղնուցները (մեկ առ մեկ)։
_Խառնել բոլոր չոր բաղադրիչները, ավելացնել ձվի զանգվածին և արագ հունցել խմորը։ Դնել սառնարանը 30-40 րոպե։
_Պատրաստի խմորը բաժանել 6 մասի։
_Խմորը ավելի լավ է անմիջապես գրտնակել յուղաթղթի վրա, թեթև ալյուր ցանել և 22 սմ տրամագծով շրջաններ կտրատել, որոնք պետք է անպայման պատառաքաղով ծակծկել։
_Կտրված խմորի ավելորդ մասերը պետք փշրել ձևավորելու համար
_Թխել 200 ° C-ում մինչև բաց ոսկե դարչնագույնը (5-10 րոպե):
_Շերտերը թողնել, որ սառչի հենց թղթի վրա։ Դրանք շատ փխրուն են:
_Եթե նույնիսկ կոտրվեն, կարող եք դրանք թաքցնել տորթի մեջտեղում, մի փոքր հնարամտությունը կօգնի։
_Թթվասերը հարել մինչև թանձրանա՝ աստիճանաբար ավելացնելով շաքարի փոշի։
_Վերջում ավելացնել լիկյորն ու ընկույզը։ Խառնել բահիկով։
_Յուրաքանչյուր շերտի վրա քսել կրեմի մի մասը, վերջում բոլոր կողմերն ու երեսին քսել կրեմ: Վերևում ցանել ընկույզ, իսկ կողքերին՝ մանրացված փշրանքներ։
Տորթը պետք է անպայման մնա մի քանի ժամ, որպեսզի լավ ներծծվի կրեմով, մոտ մեկ օր:
Բարի ախորժակ:
Տեսանյութ
Ձվանի բիսկվիթ