Փքաբլիթներ եփովի կրեմից պատրաստելու եղանակը ձեզ դուր կգա իր պարզությամբ ու համով: Այս համեղ փքաբլիթները ներսից շատ փափուկ են, իսկ դրսից՝ խրթխրթան կեղևով:
Անգամ դրսում ամենատհաճ եղանակի դեպքում, եթե պատրաստեք կակաո և վայելեք այս փքաբլիթները՝ օրը կթվա ավելի պայծառ ու տաք:
Անմիջապես սկսեք պատրաստել սրանք, հաճելի պահերը նախավայելելով:
Փքաբլիթներ եփովի կրեմից. Անհրաժեշտ բաղադրիչները
— ջուր 250 մլ
— կարագ 100 գ
— մի պտղունց աղ
— ալյուր 250 գ
— ձու 3 հատ
— կիտրոն 1 հատ
— շաքարավազ 150 գ
— շաքարի փոշի
— բուսական յուղ
Փքաբլիթներ եփովի կրեմից. Պատրաստման եղանակը
_ Կիտրոնի կեղևը դանակով քերել։
_ Ջուրը դնել կրակին, աղ անել, լցնել կիտրոնի կեղևը, ավելացնել շաքարավազը և եռացնել։
_ Կարագը դանակով կտրատել կտորների։
_ Ջրից հանել կեղևը և կարագը լցնել կաթսայի մեջ։
_ Ալյուրը մաղել և աստիճանաբար ալյուրն ավելացնել եռացող զանգվածին։
_ Փայտե գդալով հունցել՝ անընդհատ խառնելով։
_ Եփել միջին ջերմության վրա, մինչև խմորը թավայի կողքերից և հատակից հեռանա: Հովացնել 5 րոպե։
_ Ձուն կոտրել խմորի մեջ, լավ խառնել բահիկով։ Ավելացնել երկրորդ ձուն և խառնել։
_ Կարող եք խառնել ձեռքերով կամ սիլիկոնե բահիկով:
_ Ավելացնել երրորդ ձուն և հունցել թանձր խմոր։
_ Թավայի մեջ առատորեն լցնել բուսական յուղ։
_ Թղթե սրբիչներով ծածկել ափսեն։
_ Մեկ գդալ խմոր լցնել եռացող յուղի մեջ և շուռ տալ բլիթները, երբ դրանք կարմրեն:
Տապակված փքաբլիթները դնել թղթե սրբիչների վրա, որ ավելորդ յուղը քամվի, ապա պոնչիկների վրա ցանել շաքարի փոշի։
Բարի ախորժակ:
Տեսանյութ
Մանր պոնչիկներ