Փքուն կեքս թավայի մեջ. Այն կստացվի շատ համեղ ու նուրբ, այնպես, ինչպես ջեռոցում, փորձեք

Սիրո՞ւմ եք արագ պատրաստվող, փքուն կեքս, ուրեմն այս բաղադրատոմսը ձեզ համար է:
Այս քաղցր խմորեղենի պատվին տոներ են անցկացվում: Օրինակ, «National Cupcake Week»-ը իրական օր է, երբ բրիտանացիները թխում են տարբեր կեքսեր:

Այնուամենայնիվ, միշտ չէ, որ ցանկություն կա ջեռոցում թխելու: Այնպես որ եկեք ծանոթանանք թավայի մեջ կեքս պատրաստելու շատ պարզ բաղադրատոմսի մասին:

Փքուն կեքս. Բաղադրիչները

_ հավի ձու — 2 հատ

_ աղ — 1 պտղունց

_ շաքարավազ — 120 գ

_ կիտրոնի կեղևի քերուկ

_ բուսական յուղ — 80 գ

_ վանիլին — 1 պտղունց

_ կաթ — 115 գ

_ փխրեցուցիչ — 15 գ

_ ալյուր — 200 գ

Փքուն կեքս. Պատրաստման եղանակը

_ Ձվերը կոտրել ամանի մեջ և ավելացնել աղը: Ձվերի վրա լցնել շաքարավազը և հարել այնքան, մինչև մթերքները դառնան սպիտակ հեղուկ զանգված։

_ Ստացված զանգվածի մեջ լցնել արևածաղկի ձեթը և կաթը, ավելացնել վանիլին և մի քիչ կիտրոնի կեղև՝ ըստ ճաշակի։

_ Ձվի զանգվածին խառնել ալյուրի և փխրեցուցիչի խառնուրդը, շաղախել խմորը։

_ Տապակը յուղել մի կտոր կարագով, վրան փռել յուղաթուղը, որը նույնպես պետք է յուղել։

_ Խմորը լցնել տապակի մեջ, հավասարաչափ տարածել մակերեսով։

_ Կեքսը եփել 25 րոպե ցածր ջերմության վրա՝ կափարիչով ծածկված:

_ Այնուհետև հարկավոր է կեքսի վերևը ծածկել յուղաթղթով և շրջել՝ չեփած կողմը դնելով ներքև։

_ Շարունակել թխել ևս 10 րոպե, առանց կրակն ուժեղացնելու։

Կեքսի պատրաստ լինելը ստուգելու համար այն ծակեք փայտե չոփիկով։ Եթե չոփիկը չոր դուրս գա, ուրեմն կեքսը պատրաստ է։ Մնում է զարդարել շոկոլադով, սերուցքով կամ շաքարի փոշիով։

Բարի ախորժակ:

Տեսանյութ

Կեքս. Շոկոլադե մաֆիններ