Քաղցրաբլիթ առանց ալյուրի. Համեղ նախուտեստ
Առանց ալյուրի խմորեղենը հիանալի այլընտրանք է նրանց համար, ովքեր տարբեր պատճառներով չեն կարող կամ չեն ցանկանում օգտագործել այս բաղադրիչը իրենց նախընտրած ուտեստների մեջ:
Անգամ առանց ալյուրի, դուք կստանաք շատ համեղ և առողջ թխվածք, իսկ շաքարի փոխարեն կարող եք օգտագործել ցանկացած քաղցրացուցիչ: Առանց ալյուրի պատրաստված խմորեղենը բաղկացած է պարզ բաղադրիչներից իսկ պատրաստման եղանակը չափազանց արագ է:
Содержание
Քաղցրաբլիթ առանց ալյուրի. Անհրաժեշտ բաղադրիչները
- Ձու 2 հատ
- Եգիպտացորենի օսլա 2,5 ճաշի գդալ
- Փխրեցուցիչ 0,5 թեյի գդալ
- Կաթնաշոռ 170 գ
- Դարչին 0,5 թեյի գդալ
- Մեղր՝ ըստ ճաշակի
Քաղցրաբլիթ առանց ալյուրի. Պատրաստման եղանակը
- Ջեռոցը տաքացնել 180 աստիճանով: Դեղնուցներն առանձնացնել սպիտակուցներից:
- Դեղնուցները հարել օսլայի հետ (կարող եք վերցնել եգիպտացորենի օսլա) և գդալով խառնել մինչև որ համասեռ դառնա:
- Սպիտակուցներն առանձին հարել հարիչով մինչև ամուր գագաթները: Զգուշորեն խառնել սպիտակուցներն ու դեղնուցները բահիկով՝ ներքևից վերև:
- Ջեռոցի տապակը ծածկել յուղաթղթով և այն յուղել:
- Տարածեք խառնուրդը թղթի վրա՝ կազմելով փոքրիկ շրջանակներ: Դնել ջեռոցում՝ 8-10 րոպե:
- Լցոնի համար կաթնաշոռը խառնել մեղրի հետ, ավելացնել դարչին և շաքար՝ ըստ ճաշակի: Պատառաքաղով լավ տրորել:
- Լցնել կաթնաշոռային կրեմը մի շրջանակի վրա, իսկ մյուսով ծածկել այն: Ըստ ճաշակի կարող եք աղանդերը զարդարել քնջութի սերմերով և լցնել հալված մեղր:
Խմորին կարող եք ավելացնել շաքար, եթե ցանկանում եք այն ավելի քաղցրացնել: Մեկ այլ տարբերակ` դիետիկ տորթիկների վրա կարելի է լցնել թանձր ազնվամորու ջեմ:
Քաղցրաբլիթն առանց ալյուրի պատրաստ է:
Բարի ախորժակ:
Տեսանյութ
Մեղրով թխվածքաբլիթներ