Քաղցր շոռակարկանդակ. Մանկությունից ծանոթ քաղցրավենիք

Քաղցր շոռակարկանդակ. Իհարկե, յուրաքանչյուր թխել սիրող տանտիկին կյանքում գոնե մեկ անգամ պատրաստել է նման կարկանդակներ: Դրանք, ի տարբերություն խանութում վաճառվողների ստացվում են անհավանական համեղ: Այս թխվածքի համար կան շատ բաղադրատոմսեր: Մենք ձեզ համար պատրաստել ենք առավել մատչելի և պարզ մեկը:

Քաղցր շոռակարկանդակներ թխելով՝ դուք աներևակայելի անուշաբույր հյուրասիրություն կունենաք: Լցոնի համար առաջարկում ենք ընտրել տնական կաթնաշոռ: Այս դեպքում շոռակարկանդակները կլինեն ըստ դասական տարբերակի:

Քաղցր շոռակարկանդակ. Անհրաժեշտ բաղադրիչները

_Կաթնաշոռ 500 գ

_Ձու 3 հատ

_Շաքար 4 ճաշի գդալ

_Վանիլին 20 գ

_Կաթ 265 մլ

_Ցորենի ալյուր 500 գ

_Խմորիչ 1 ճաշի գդալ

_Կարագ 80 գ

_Աղ 0,25 թեյի գդալ

Քաղցր շոռակարկանդակ. Պատրաստման եղանակը

_Ձուն հարել 2 ճաշի գդալ շաքարավազ, 10 գ վանիլին և աղ: Լցնել 250 մլ տաք կաթ և խառնել:

_Առանձին ամանի մեջ խառնել ալյուրը և խմորիչը: Չոր խառնուրդը աստիճանաբար ավելացնել ձվի զանգվածի մեջ: Սկզբում հարել, ապա ձեռքերով հունցել խմորը:

_Ավելացնել հալված կարագ և ներհունցել այն խմորի մեջ. Այն պետք է լինի հարթ և փափուկ: Խմորը փաթաթեք սննդի թաղանթով և դրեք տաք տեղում 1-1,5 ժամ:

_Պատրաստեք լցոնումը: Կաթնաշոռը տրորել ձվով, 2 ճաշի գդալ շաքարավազով և 10 գ վանիլինով: Ցանկության դեպքում միջուկին կարող եք դարչին կամ չամիչ ավելացնել:

_Խմորի բարձրանալուց հետո դրանից ձևավորել գնդիկներ: Տեղադրել դրանք ջեռոցի յուղած տապակի վրա:

_Թողեք մնան 20 րոպե: Յուրաքանչյուր խմորի գնդակի մեջ փոս անել համարյա մինջև վերջ: Լցոնը դնել դրա մեջ:

_Շոռակարկանդակի վրա քսել 1 ձվի և 1 ճաշի գդալ կաթի խառնուրդ: 10 րոպե անց տապակը դնել 180 աստիճան տաքացրած ջեռոցում: Եփել 25 րոպե:

Քաղցր շոռակարկանդակներն արդեն պատրաստ են:
Որպեսզի ձեզ կրկին երեխա զգաք, խորհուրդ ենք տալիս շոռակարկանդակները մատուցել թարմ կաթով:

Տեսանյութ

Բուլկի կրուասաններշ