Ողջույն, այսօր արագ կպատրաստենք պեսոչնի պեչենիներ՝ բերանում հալվող, խրթխրթան քաղցրավենիքը հաշված րոպեների ընթացքում կլինի ձեր սեղանին։
Պեսոչնի պեչենի Բաղադրիչներ
Կարագ — 400 գր․
Շաքարավազ- 200 գր․
Ձու — 1 հատ
Թթվասեր — 100 գր․
Սոդա — 0,5 թեյի գդալ
Ալյուր — 600 գր․
Վանիլ
Պեչենիներ Պատրաստման եղանակը
Անցնենք գործի
2 տուփ կարագը 400 գրամ լցնենք հարիչի մեջ
Իմ հարիչը հատուկ ոտիկ ունի, որով լավ պինդ խմորները լավ հունցում է, դա տեղադրեմ և սկսենք հարել
1 բաժակ շաքարավազը ընթացքում քիչ-քիչ ավելացնենք հարվող կարագի վրա
Ավելացնենք 1 ձու և շարունակենք հարել
Հաջորդը 100 գրամ թթվասերի հերթն է կես թեյի գդալ սոդայի հետ՝ խառնենք և ավելացնենք հարիչի տարայի մեջ
Լավ խառնենք
Ավելացնելու ենք մոտ 500 գրամ ալյուր
Ստանալու ենք ահա այսպիսի խմոր
Ընթացքում ալյուրի հետ նաև մի պտղունց վանիլին ենք ավելացնում
Վերջ մեր խմորը պատրաստ է
Ջեռոցի տապակի վրա յուղաթուղթ փռենք
Ափսեի մեջ շաքարավազ լցնենք դնենք սա էլ մյուս կողմում
Այժմ մատներով փոքրիկ գնդիկներ ենք ձևավորում թաթախում շաքարավազի մեջ և շարում տապակի վրա
Ուղարկում ենք ջեռոց 180 աստիճանում 15 րոպե թխվելու
Շատ արագ են լինում ու համեղ են շատ, խրթխրթան, միաժամանակ ներսից փափուկ և շատ հագեցնող, իսկական ուրախություն փոքրիկների համար։
Դե ինչ, բարի ախորժակ։