Բարձր չնստող Ձվանի Բիսկվիթ թխելու գաղտնիքը

Այսօր կներկայացնեմ բարձր չնստող ձվանի բիսկվիթ թխելու գաղտնիքը, այսինքն բոլոր մանրամասները կտեսնեք հիմա տեսանյութում։

Ձվանի Բիսկվիթ Բաղադրիչներ

• Ձու — 6 հատ
• Շաքարավազ — 200 գր
• Ալյուր — 200 գր
• Փխրեցուցիչ — կես թեյի գդալ
• Վանիլ

Ձվանի Պատրաստման եղանակը

• Ընտիր ձվանի բիսկվիթ ստանալու համար շատ կարևոր են ընտրված բաղադրիչների որակը
• Առաջնային է ալյուրի ճիշտ ընտրությունը
• Ես վերցնում եմ Մառանիկի բարձր տեսակի սպիտակ ալյուր, միշտ այս ալյուրով իմ թխվածքները ընտիր են ստացվում
• Եթե ալյուրը հաջող է, բարձրորակ  է, ապա բիսկվիթ ն էլ միանշանակ կստացվի բարձր, ծակոտկեն և թեթև
• Ալյուրն ընտրելիս սա հաշվի առեք
• 200 գրամ ալյուրը լցնենք տարայի մեջ
• Կես թեյի գդալ փխրեցուցիչ կավելացնենք, սոդան կամ օգտագործվող փխրեցուցիչն էլ ցանկալի է որակյալ վերցնել
• Մի պտղունց էլ վանիլինի փոշի կարող ենք այստեղ ավելացնել

• Փոշի բաղադրիչները խառնենք դնենք կողքի
• 6 ձվի դեղնուցները առանձնացնենք սպիտակուցներից
• Ձուն թարմ լինելու դեպքում ավելի լավ կբարձրանա բիսկվիթը
• Բացի այդ հարկավոր է նախապես սառնարանից հանել ձուն և սենյակային ջերմաստիճանի հասցնել
• Մեկ բաժակ շաքարավազը կիսով չափ լցնենք դեղնուցի վրա, մյուս կեսը սպիտակուցների
• Առանձին առանձին պետք է հարենք
• Այնքան պետք է հարենք յուրաքանչյուրը մոտ 7-8 րոպե մինչև երկուսն էլ բարձր ու սպիտակած փրփուրի վերածվեն
• Հարիչից այժմ կհրաժարվենք
• Պետք է միացնենք բեզեն և դեղնուցի զանգվածը
• Քիչ-քիչ պետք է իրար խառնել, միանգամից չշտապեք չլցնեք իրար վրա
• Բահիկը պետք է հիմնականում հատակից դեպի վեր բարձրացնել
• Մի փոքր քմահաճ խմոր է ձվանին, բայց այս մանր խորհուրդները հաշվի առնելով անպայման լավ արդյունք կստանաք, կլուսանկարեք և կուղարկեք ինձ ֆեյսբուքյան մեր էջին, կամ ինստագրամով կարող եք ձեր հաջողված փորձարկումներով կիսվել ինձ հետ, ես միայն ուրախ կլինեմ
• Փոշի բաղադրիչներն էլ կխառնենք մեր զանգվածին նույնկերպ նուրբ շարժումներով
• Եվս մեկ կարևոր նրբություն, այս խմորը շատ չենք խառնում, հնարավորինս արագ համասեռ դարձրեցինք վերջ պետք է արագ անմիջապես թխենք, հակառակ դեպքում կնստի խմորը
• Լցնենք տապակի մեջ, իմ տապակի տրամագիծը 21 սմ է
• Տակը անպայման յուղաթերթ եմ փռում
• Դնելու ենք լավ տաքացած ջեռոցում, թխվելու է 180 աստիճանում վերև ներքև ռեժիմով մոտ 20-30 րոպե, եթե 3 կամ 4 ձվով եք պատրաստել ապա 15 րոպեից կթխվի
• Նույնը կարելի է և գազօջախի վրա թխել մարմանդ կրակի վրա, ցանցե տակդիրով, կափարիչով տապակում, սրբիչով վրան ծածկած, առավել երկար ժամանակով

• Արդեն թխվեց մեր բիսկվիթ ը
• Չոփիկով պարտադիր ստուգեք հանելուց առաջ
• Հեռացնենք տապակն ու յուղաթերթը
• Դնենք լավ սառի
• Եթե տաք տաք փորձեք կտրել, լրիվ կքանդվի խմորը, կարիք կա 2 ժամ առնվազն թողնել սառնարանում, անգամ սառցախցիկում
• Նոր միայն կտրել կամ շարունակել տոնական տորթ ձևավորել
• Տեսեք ինչ բարձր չնստող ձվանի բիսկվիթ թխեցինք
• Ձեր մոտ նույնպես այն հաջողելու է, համոզված եմ։

Դե ինչ, բարի ախորժակ։

Բարձր չնստող Ձվանի Բիսկվիթ թխելու գաղտնիքները Տեսանյութ