Շքեղ տարբերակներ Գաթայի Կտրվածք․ Շերտավոր խմորով և Համեղ խորիզ

ՔԱՂՑՐԱՎԵՆԻՔ

Այսօր վերջապես կպատրաստենք իմ խոստացած Շքեղ տարբերակներ Գաթայի Կտրվածք․ Շերտավոր խմորով և Համեղ խորիզ ով։

3 Գաթայի Կտվածք․ Շքեղ տարբերակներ Շերտավոր խմորով․ Համեղ խորիզ

Շերտավոր  խմոր գաթայի կտրվածք անհրաժեշտ բաղադրիչներ

Համեղ Խորիզ ձեթով

  • Ալյուր — 1,5 բաժակ
  • Շաքարավազ — 1,5 բաժակ
  • Ձեթ — 100 գր․ — կես բաժակ
  • Վանիլինի մեկ պտղունց

Շերտավոր խմորի բաղադրատոմս

  • Ձվի դեղնուց — 3 հատ
  • 3 բաժակ գոլ ջուր — 200 գր․
  • Ձիթայուղ — 1 բաժակ — 200 գր․
  • Քացախ — 1 ճ․ գդ․
  • Լիմոնի աղ — 0,5 թ․ գդ․
  • Աղ — 1 թ․ գդ․
  • Ալյուր — 1կգ․ 100 գր․ մոտավորապես այնքան, որ ստացվի փափուկ ձեռքերին չկպնող խմոր, ընթացքում ևս ալյուր կօգտագործենք ամեն գրդնակելուց
  • Որպես միջուկ 3 տուփ կարագ, յուրաքանչյուր գնդին կես տուփ ենք օգտագործելու

Գաթայի կտրվածք քայլ առ քայլ

  • Համեղ անուշաբույր խորիզի նոր տարբերակ եմ առաջարկելու, որը շատ ավելի թեթև է և մատչելի, պարզապես հալվում է բերանում
  • Մեկուկես բաժակ ալյուրին կավելացնենք մեկուկես բաժակ շաքարավազ
  • Կես բաժակ ձեթ կլցնենք

3 Գաթայի Կտվածք․ Շքեղ տարբերակներ Շերտավոր խմորով․ Համեղ խորիզ

  • Մեզ հայտնի հայկական խորիզի բաղադրատոմսը, որի տարբերակը նույնպես մեր ալիքում կա, կարագով կամ յուղով ենք պատրաստում
  • Բայց այս ձեթով տարբերակը առավել թեթև և նուրբ խորիզ է դառնում՝ չծանրացնելով շերտերը
  • Մի պտղունց վանիլին կավելացնենք և կխառնենք
  • Խորիզն ու խմորը ձեռքեր են սիրում․ ասում են հմուտ խոհարարները
  • Անցնենք ձեռքով խառնելուն և անուշ բուրող խորիզին նաև մեր սերն ու ջերմությունը փոխանցելուն, որը առավել համեղ կդարձնի մեր գաթաները
  • Ձեռքով խառնելուց պետք է ստացվի փշրվող խորիզ, այսպես բուռ անելուց լավ հավաքվող, բայց արագ էլ քանդվող զանգված պետք է դառնա՝ պարտադիր անուշ բույրով
  • Խորիզն արդեն պատրաստ է, խմորն էլ իր հերթին է սպասում
  • Սա հենց այն խմորն է ձեթով, որը չստացվելու տարբերակ չունի, ինքներդ էլ շատ եք գրել ձեր գոհունակության մասին
  • Եթե որևէ մեկը կա որ դեռ չի օգտվել այս շերտավոր խմորի բաղադրատոմսից, ապա անցեք իմ ալիքի այս հղումով և անմիջապես դիտեք
  • Մեկ գունդը հանենք ալրոտ հարթակի վրա սկսենք բացել
  • Նախ շերտավոր խմորները ցանկալի է մատներով կողքի տալ, որ ավելի լավ պահպանվեն կողքից շերտերը, հետո գրտնակելուն անցնել
  • Գրդնակենք հնարավորինս բարակ և տարածական շերտ ստանալուվ
  • Մեկ կարևոր նրբություն ևս
  • Շերտավոր խմորների գունդը ցանկալի է միշտ դնել այն ուղղությումբ որ ուղղությամբ որ փակվել է, և գրդնակելիս շուռ ու մուռ չտալ, այլ սկզբնական դիրքում ստանալ այդ լավ բացված շերտը
  • Մեզ նման, ահա այսպես
  • Վրան ամբողջ երկայնքով պետք է խորիզ շաղ տանք և մատներով տարածենք
  • Այսօր ես ձեզ ցույց եմ տալու երեք կտրվածքի տարբերակ, դրանց տարբերակները իհարկե շատ բազմազան են, ես կներկայացնեմ ամենագեղեցիկներն ու միաժամանակ պարզերը
  • Գեղեցիկ կտրվածքի առաջինը տարբերակի համար հարկավոր է խմորը գլանակաձև փաթաթել խմորի եզրը թողնելով գլանակի տակ
  • Մի փոքր հարթեցնում ենք սկզբում ձեռքերով հետո գրդնակով
  • Լավ կտրվածք ստանալու համար հարկավոր է ունենալ լավ սուր դանակ առանց ատամների, որը հստակ շերտեր կձևավորի
  • Հնարավորինս շեղակի կտրում ենք մեր գլանակը, եթե ուզում եք առավել շատ փռված շերտեր, ապա կտրեք ավելի շեղ և ավելի բարակ կտորների վերածեք յուրաքանչյուր հատիկ գաթան
  • Այժմ պետք է շարենք ջեռոցի տապակի յուղաթղթի վրա, իրարից հեռու, որպեսզի թխվելու ընթացքում բացվեն և չկպնեն իրար
  • Վրան գաթայի պետք է ձու քսենք պարտադիր գեղեցիկ գույնն ու փայլը ապահովելու համար, երբեմն նաև այս ձվին մածուն կամ կաթ են ավելացնում

3 Գաթայի Կտվածք․ Շքեղ տարբերակներ Շերտավոր խմորով․ Համեղ խորիզ

  • Այս ընթացքում հարկավոր է ջեռոցը լավ տաքացնել, որպեսզի ջեռոց դնելուց անմիջապես հետո շերտերը միանգամից փքվեն
  • Շերտավոր խմորի շերտերի որակը ուղիղ համեմատական է լավ ջեռոցի հետ, որին ճանաչում եք և հասկանում
  • Այսինքն երբ հարցնում եք ինչպես ընտրել ճիշտ ջերմաստիճան, դժվարանում եմ պատասխանել հստակ
  • Օրինակ իմ ջեռոցը ընտիր թխվածքներ է թխում, 180-190 աստիճանում
  • Գաթան կթխենք 190 աստիճանում, որն իդեալական է կոնկրետ այս բրենդի և այս մոդելի ջեռոցի դեպքում
  • Մնացած դեպքերում էլ կարծում եմ այս ջերմաստիճանը լրիվ նորմալ է բարձրացող լավ շերտեր ստանալու համար, մոտ 20-25 րոպեի ընթացքում
  • Բազմաթիվ ռեժիմներից կընտրեմ վերև-ներքև տարբերակը, որը բոլորդ էլ կունենաք
  • Գաթաներ թխելիս վերջում նաև կարող եք կոնվեկցիոն ռեժիմ միացնել, գաթաները օդով հագեցնելու և առավել խրխրթան դարձնելու համար
  • Կախված արդեն ձեր ջեռոցից դուք կկողմնորոշվեք, հանելուց առաջ պետք է ահա այսպիսի կարմրաթուշ գաթաներ ունենանք
  • Առաջին կտրվածքը սա է՝ արդյունքը շատ գեղեցիկ է իմ ամենասիրելի ձևվածքներից մեկն է
  • Խորիզը լրիվ հալվել է մեջը, նաև ձեթի շնորհիվ, գաթան սառելուց հետո չի գնդվի մեջը
  • Մինչ կսառեն, մենք անցնենք երկրորդ տարբերակին
  • Նույն սկզբունքով և ուղղությունը պահպանելով բացենք հաջորդ գունդը
  • Խորիզը նույնությամբ տարածենք ողջ շրջանի տրամագծով
  • Այս կտրվածքի համար խմորը պետք է վրա բերենք այս լայնությամբ
  • Երկու անգամ այս կողմից երրորդը արդեն եզրը վրա կտանք
  • Եզրը հնարավորինս կպցնենք խմորին
  • Ցանկության դեպքում կարող եք ավելի նեղ ծալել՝երկու անգամի փոխարեն ասենք 4 անգամ՝ առավել շատ շերտեր ստանալու համար

դրոժով խմոր

  • Դիմենք մեր սուր դանակին կրկին
  • Ուշադրություն դարձրեք կտրվածքի նրբությանը
  • Ոչ թե պարզապես եռանկյունիների ենք վերածում, այլև յուրաքանչյուր հաջորդը ոչ թե հենց անկյունից ենք կտրում այլ մի փոքր կես սանտիմետր ներքևից, որպեսզի մեր եռանկյունու քիթը բացվի թխվելու ընթացքում
  • Եթե հենց գլխից կտրեք, հնարավոր է խմորի փոքրիկ հատված պահի և գաթայի եզրային մասը չի բացվի
  • Սկզբունքը սա է
  • Վրան չենք մոռանում ձուն քսել և ուղարկել ջեռոց
  • Նույն կերպ և նույն ջերմաստիճանում 20-25 րոպե թխվելուց հետո հանում ենք
  • Ահա սա էլ բադիկի կտուց կտրվածքն է
  • Անցնենք երրորդ տարբերակին, իհարկե շատ ավելի շատ թվով ոչ պակաս գեղեցիկ կտրավածքներ էլ կան, հենց այս տեսանյութը հավաքի 10000 լայք, ես խոստանում եմ ձեզ ևս 3 հետաքրքիր գաթայի կտրվածք ներկայացնել
  • Երրորդ գունդը բացենք
  • Այն պետք է կտրատենք մոտավորապես այս չափսի քառակուսիների
  • Խոհանոցում իրենց առաջին քայլերը անող աղջիկներին ցանկանում եմ վստահեցնել, որ խմորից պետք չէ վախենալ, այլ պետք է նրան ընդամենը հունցել, հետո գնդել, հետո գրդնակել և թխել
  • Այսքան պարզ է ամեն ինչ, անգամ շերտավոր խմորով չափազանց բարդ թվացող կտրվածքները
  • Այս քառակուսիների ներքևի ձախ անկյունում փոքրիկ կտրվածք անենք, որտեղից վերևի աջ եզրն ենք կպցնելու
  • Երկայնքով խորիզ լցնենք յուրաքանչյուր կտորի մեջ
  • Մեկական գդալը բավարար է

Շքեղ տարբերակներ Գաթայի Կտրվածք․ Շերտավոր խմորով և Համեղ խորիզ

  • Այնուհետև վերևի աջ անկյունը քառակուսու մտցնում ենք ներքևի ձախ անկյան կտրվածքի մեջ
  • Ահա այսպես
  • Չենք մոռանում նաև ձու քսելու մասին
  • Դե արդեն ուղարկում ենք ջեռոց նույն սկզբունքով ու ժամկետներում թխվելու
  • Այս կտրվածքը շատ գեղեցիկ է մատուցել շաքարի փոշով
  • Սա էլ շարենք նախորդների կողքին և հավաքենք բոլորին թեյի մտերմիկ սեղանի շուրջ երեկոն անցկացնելու
  • Դե եթե շատ հավանողներ կլինեն և բաղադրատոմսը կխնդրեն գաթայի, կարող եք իմ ալիքի մասին պատմել, որտեղ դեռ շատ հեետաքրիքր բաղադրատոմսեր եք գտնելու

Դե ինչ, բարի ախորժակ։

Շերտավոր խմոր Գաթայի կտրվածք 3 տարբերակով տեսանյութ

Facebook Comments
Խնդրում ենք Գնահատեք